Lucio Marineo Sículo

De Biquipedia
Ir a la navegación Ir a la búsqueda
Lucio Marineo Sículo

? – ?
Precedito por ?
Succedito por ?
Naiximiento 1460
Bandera de Secilia Vizzìni (Reino de Secilia)
Muerte 1533

Lucio Marineo Sículo (en secilián Luciu Marineu Sìculu, Vizzìni, Reino de Secilia 1460 - 1533) estió un historiador seciliano y cronista d'o Reino d'Aragón.

Biografía[editar | editar código]

Naixiu de Vizzìni (Reino de Secilia) en 1460, estió mayestro de luenga y literatura griega en Palermo. Dimpués se tresladó ta Castiella, a on dió clases mientres dotze anyos en a Universidat de Salamanca.

Mientres a suya estada en a peninsula, o rei Ferrando o Catolico le gritó a la suya a Cort, nombrando-le capellán y cronista.

Amás d'ocupar iste cargo tamién educó en o italianismo tipico d'o Renaiximiento a os fillos d'os nobles aragoneses.

José Vargas Ponce escribió en o sieglo XVIII una Vida de Lucio Marineo Sículo dica fa poco inedita y que hue ha siu rescatada y editada por Fernando Durán y María del Carmen Ramos Santana.

Obra[editar | editar código]

Lucio Marineo Sículo, "Pandit Aragoniae veterum primordia regum hocopus et forti...", Zaragoza, George Cocci, 1509.

Destaca entre a suya obra como cronista o De laudibus Hispaniae Libri VII, publicau en Burgos en 1496, primera versión d'a posterior De rebus Hispaniae memorabilibus Libri XXV (Alcalá de Henares, 1530) y "De Aragoniae regibus et forum rebus gestis", que fue editada en cinco tomos en Zaragoza en 1509, y d'a que dimpués se quitó una parte adedicada a la diarquía aragonesa-castellana con o títol de "Sumario de la vida de los Reyes Católicos, don Fernando y doña Isabel" impresa en Madrit en l'anyo 1587.

Antiparti publicó en 1530 "Opus de rebus Hispaniae memoralibus" una replega d'estudeos historicos y biograficos que liga y completa bells d'os suyos treballos anteriors. Tamién ye autor d'un amplo epistolario en latín humanistico (Epistolarum familiarum libri XVII).

Publicacions[editar | editar código]

  • "De Hispaniae laudibus" (ca. 1497). Burgos : Fridericus Biel de Basilea, c. 1497. Biblioteca Universidad Complutense de Madrid. Biblioteca Nacional.
  • "Opus de rebus Hispaniae memorabilibus modo castigatum atq[ue] Caesareae maistatis iussu in lucem editum" (1533). Impressum Compluti: per Michaelem de Eguia. Biblioteca Universidad Complutense. Biblioteca Nacional.
  • "Obra compuesta por Lucio Marineo Sículo coronista d[e] sus Majestades de las cosas memorables de España" (1539). Alcala de Henares en casa de Iuan de Brocar. Biblioteca Nacional.
  • "Sumario de la clarissima vida, y heroycos hechos de los Catolicos Reyes Don Fernado y doña Ysabel" sacado de la obra grande de las cosas memorables de España compuesto por Lucio Marineo Sículo [sic] (1587). En Madrid en casa de la biuda de Aloso Gomez y a su costa impresso. Biblioteca Nacio.

Bibliografía[editar | editar código]

Vinclos externos[editar | editar código]