León VI o Sabio

León VI o Sabio
Emperador de l'Imperio Bizantín
León VI o Sabio
Emperador de l'Imperio Bizantín
886 - 912
Predecesor	Basilio I
Succesor	Aleixandre III
Naixencia	19 de setiembre de 866
Muerte	11 de mayo de 912
Dinastía	Dinastía macedonica
Pai	Bardas

León VI o Sabio ye naixito o 19 de setiembre de 866 y morió l' 11 de mayo de 912. Estió emperador de l'Imperio Bizantín dende 866 dica 912.

Politica externa

León VI provocó una guerra cuentra Simeón I de Bulgaria en l'anyo 894, pero fue redotato. En l'anyo 895 fació liga con os hongaros, (alavez un pueblo nomada habitaba as actuals Ucraína Occidental y Moldavia), pa fer pinza a los bulgaros. En o "libro de los emperadors" lo cuentan asinas:

De la cual cosa l'emperador ha havido grant desplazer e ha enviado tantost embaxadores con grandes donos e presentes a los de Hongría que estavan cerca del río de Istro pregandolos que.l fuesen contra los búrgaros por dapnificar su tierra

A guerra entre os bulgaros y os hongaros representó un exito relativo pa León VI en l'anyo 895, pero Simeón clamó a los pazinacos pa que atacasen a los hongaros por a retaguardia, provocando a suya derrota y posterior emigración ta Panonia. Sin os nuevos aligatos hongaros León VI perdió a batalla de Bulgarophygon en l'anyo 896 y habió de fer concesions comercials y pagar un tributo anyal a los bulgaros.

O Emirato de Secilia prenió Taormina en l'anyo 902, zaguer puesto ocupato por os bizantins en Secilia.

En l'anyo 904 o renegato León de Tripolis saqueyó Salonica con piratas musulmans (feito descrito por Chuan Kaminiates como "a captura de Salonica"). En l'anyo 907 Costantinoble fue atacata por eslavos orientals adrezatos por Oleg de Novgorod, que miraba dreitos comercials con l'imperio. Encara que lis pagó, tornoron a atacar atra vegata en l'anyo 911 y remató firmando-se un tractato comercial.

Predecesor: Basilio I

Emperador de l'Imperio bizantín 886-912

Succesor: Aleixandre III