Lavadera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lavadera d'uso domestico con carga frontal

A lavadera ye un aparato electrico, que puet estar electrodomestico u d'uso industrial.

Una lavadera tien un tambor central con foratos que chira mientre se le mete augua. A puerta d'as lavaderas tien un bloqueyo automatico que impide que puedan ubrir-sen mientres son funcionando. Se composan d'una resistencia PTC que en recibir corrient electrica s'escalfa y activa un bimetal, que ye connectato a la vegada a dos terminals que zarran un contacto electrico y deixan pasar a corrient enta o electrodomestico permitindo que iste s'enchege.

Historia

D'antis mas a ropa se lavaba en lavaderas de piedra

Lavadora totalmente automática de Constructa de 1950

A primera lavadera electrica amaneixió en 1901 gracias a Alva Fisher, que aplicó un motor a un tambor, y metendo-ie sabons y augua conseguiba limpiar a ropa comodament.

A lavadera prencipió una muit timida popularización en os Estaus Unius ya en os anyos 1920, encara que dica zaguerías d'os anyos 1940 u primerías d'os anyos 1950 no estió un articlo de masas. En a Europa desenvolicata occidental, a extensión d'a lavadera se produce, mas que mas, dimpués d'a Segunda Guerra Mundial y ya en primerías d'os anyos 60 se converte en un aparato d'uso cutiano. Importants interpresas industrials europeas prencipian a fabricar grans cantitats de lavaderas; convertindo en muitas ocasions a la fabricación de lavaderas en a suya prencipal fuent de prestichio y d'ingresos (por eixemplo Kelvinator u Zanussi). En Espanya, as lavaderas s'imposan a o ritmo d'a emerchent clase meya mientres os anyos 1960. En os anyos 1970 yera ya un articlo cheneralizato. En Europa Oriental a producción de lavaderas yera poqueta, y a sobén s'adoptaban formulas comunitarias.

A evolución, tanto estetica como funcional d'a lavadera, ha estato muit important, mas que mas en os zaguers anyos, con l'aplicación d'a microelectronica. En l'aspecto estetico, os electrodomesticos panelables, muit cheneralizatos en os anyos 1980, han deixato o suyo puesto a atros mas mudernos con disenyos mas estilizatos y una gran variedat de colors.

Tecnicament, y gracias a la microelectronica, bels modelos actuals deixan a ropa seca y limpia. Tamién bi ha modelos que tienen controladors de tiempo, sensors que controlan a velocidat y a temperatura u mesmo, as mas mudernas, algorismos de recolocación de ropa ta evitar excesivas vibracions mientres o centrifugato.

Tipos de maquinas lavaderas

Actualment, existen dos tipos prencipals de lavaderas si las clasificamos por o puesto por a on se mete a ropa: as de carga superior y as de carga frontal. As lavaderas de carga superior son comuns en os Estaus Unius, Canadá, Oceania y muitos países africanos y asiaticos. As de carga frontal son mas propies d'Europa.

Se veiga tamién

• Limpieza en seco
• Lavato autoservicio
• Simbolos internacionals de lavato

• Datos: Q124441
• Multimedia: Washing machines / Q124441