José María Javierre

De Biquipedia
Joseph Habierre
Información personal
Nombre José María Javierre Rapún
Calendata de
naiximiento
4 de febrero de 1888.
Puesto de
naiximiento
Flag of Aragon.svg Chaca, (Aragón).
Calendata
de muerte
1952
Puesto
de muerte
Flag of France.svg Aulorón. Aquitania, (Francia).
Peso 61 kg
Esporte Ciclismo
Información d'equipo
Disciplina Carretera
Equipos profesionals
?-1910 Independient
Grans victorias
1908: Monein-Artix y 100 kilometros Pau-Puyoo-Pau.

Joseph Habierre, nombre afrancesau de José María Javierre Rapún, naixiu de Chaca, Chacetania, o 4 de febrero de 1888 y muerto en Aulorón, Aquitania, Francia en 1954, estió un ciclista aragonés pioner d'as competicions de ciclismo, que mientres a suya carrera esportiva aconsiguió qualques victorias ciclistas en Francia, y no compitió garra vegada en cursas d'Espanya.

Cal destacar que estió lo primer espanyol en competir en el Tour de Francia quan partecipó en las edicions de 1909 y 1910. En ista zaguera edición coincidió con Vicente Blanco Echevarría, conoixiu esportivament como El Cojo, de qui se creyeba que heba estau o primer espanyol en partecipar en o Tour de Francia dica l'anyo 2004, cuando la revista ciclista Coups de pédales descubrió que Joseph Habierre yera José María Javierre, naixiu de Chaca y que viviba en Francia dende os quatre anyos d'edat.

Biografía[editar | modificar o codigo]

Naixiu de Chaca, lo suyo pai muere quan ell teneba 4 anyos de edat y su mai se treslada con totz los suyos fillos a Francia y s'establioron en Lescar an lo suyo apelliu Javierre ye afranesau como Habierre. Pasó la suya choventut en ixe lugar y empecipia a treballar en una fabrica a lo mesmo tiempo que descubre lo ciclismo. Con 17 anyos ell mesmo amonta la suya propia bicicleta y teneba tanta pasión per lo ciclismo que dimpués de treballar en a fabrica saliba con a suya bicicleta.

Prencipia a participar y ganar cursas rechionals, y aconsigue victorias en os velodromos de Pau y Bois Louis, d'o Véloce-Club Palois. En 1908 gana quantas corridas de larga distancia en rota y en 1909 s'apunta a lo Tour de Francia como independient, aconsigue acabar la cursa con una meritoria 17ª posición en a cheneral y seiseno en a suya categoría. En 1910 se treslada a vivir a Aulorón y amonta una chicota botiga de bicicletas Alcyon, la millor marca d'a epoca que portaban os ganadors d'o Tour y que teneba equipo ciclista propio. En o mesmo anyo torna a partecipar en o Tour de Francia acabando en o puesto 24, a l'anyo siguient, Henri Desgrand director d'o Tour, le escribe una carta pa que torne a participar, pero ell no torna a participar.

Un d'os suyos obchectivos yera aconseguir la nacionalidat francesa pero como veyeba que con o ciclismo no la aconseguiba decidió alistar-se a la Lechión Forana Francesa en o mesmo anyo. En 1914 empecipia a I Guerra Mundial y luita mientres quatro anyos. Tornó como francés, con la nacionalidat concedida en 1915, y cargau de medallas entre las qualas yeran la Lechión d'Honor y la Cruz de Guerra. Tamién tornó con muitas secuelas fisicas, coixo, con una garra mas curta que l'atra y quan puyaba en bicicleta pedaliaba con un solo piet y tamién con sinyals de metralla d'a batalla de Verdún.

Tenió dos fillos Cécile Habierre qui se casó con Bernard Yus campeón de Francia de boxeyo y chugador de rugby y Auguste Habierre, que fué un destacau esquiador francés y creador d'a marca de bicicletas Royal Asport.[1]

Referencias[editar | modificar o codigo]

Vinclos externos[editar | modificar o codigo]