José Larraz López

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
José Larraz López

9 d'agosto de 1939 – 19 de mayo de 1941
President Francisco Franco
Primer ministro   Francisco Franco
Precediu por Andrés Amado Reygondaud de Villebardet
Succediu por Joaquín Benjumea Burín
Naiximiento 27 d'abril de 1904
Carinyena (Campo de Carinyena, Aragón)
Muerte 17 de noviembre de 1973
Madrit (Espanya)
Partiu Asociación Católica Nacional de Propagandistas
Confederación Española de Derechas Autónomas
Movimiento Nacional
Profesión Avogato
Alma Máter Universidat Central de Madrit

José Larraz López, naixito de Carinyena (Campo de Carinyena) o 27 d'abril de 1904 y muerto en Madrit (Espanya) o 17 de noviembre de 1973, estió un avogato y politico aragonés, que plegó a estar ministro d'Hicienda en 1939-1941 mientres o franquismo.

Primeras anyadas[editar | modificar o codigo]

Fació a suya formación en Madrit, a on se licenció en Dreito en a Universidat Central de Madrit con nomás que 20 anyadas, esdevenindo en 1926 por oposición funcionario d'o Cuerpo d'Avogatos d'o Estato. Pensionato por a Chunta d'Enamplata d'estudios ta enamplar estudios en Belchica. Mientres a dictadura de Miguel Primo de Rivera esdevenió subdirector d'estudios d'o Banco d'Espanya.

A Segunda Republica espanyola[editar | modificar o codigo]

D'ideolochía conservadora, estió miembro de l'Asociación Católica Nacional de Propagandistas, y cuan se proclamó a Segunda Republica Espanyola pasó a colaborar con a Confederación Española de Derechas Autónomas de José María Gil Robles. Estió en ixas envueltas director d'a sección d'Economía d'o diario conservador El Debate.

A Guerra Civil y o franquismo[editar | modificar o codigo]

Cuan esclató a Guerra Civil espanyola con a sublevación militar o 18 de chulio de 1936, José Larraz colaboró activament con os militars sublevatos, ocupando cuantos cargos politicos de segundo ran en a dita Chunta de Burgos (o Gubierno constituito por os sublevatos), en a suya mayor parte relacionatos con l'aria economica. Asinas, en 1937 estió director d'o Servicio d'estudios d'o Banco d'Espanya (u millor dito, d'a institución establita con ixe nombre por os sublevatos). Continando con ixa vía, Francisco Franco lo nombró ministro d'Hicienda o 9 d'agosto de 1939, en o suyo segundo Gubierno. Mientres o suyo ministerio, prebó de desembolicar una reforma fiscal, dimitindo en zaguerías o 19 de mayo de 1941 por a oposición de cuantos destacatos dirichents d'o rechimen franquista, encara que a suya reforma s'heba aprebato a traviés d'a Ley de Reforma Tributaria de 16 d'aviento de 1940.

Con posterioridat, albandonó a carrera politica y estió miembro d'a Real Academia de Jurisprudencia y Legislación (1941) y d'a Real Academia de Ciencias Morales y Políticas (1943, estando-ne o suyo vicepresident).

Obras[editar | modificar o codigo]

  • 1930: La evolución económica de Bélgica.
  • 1932: La Hacienda Pública y el Estado Catalán.
  • 1935: La ordenación del mercado triguero en España.
  • 1946: La meta de dos revoluciones.
  • 1961: La integración europea y España.
  • 1970: Esquema y teoría de la Historia.
  • Metodología aplicativa del Derecho Tributario.
  • El poder político de la sociedad jerárquica y Don Quijancho Maestro.

Vinclos externos[editar | modificar o codigo]


Predecesor:
Andrés Amado Reygondaud de Villebardet
Ministro d'Hicienda d'Espanya
1939-1941
Succesor:
Joaquín Benjumea Burín