Ir al contenido

José Javier Sada Beltrán

De Biquipedia
José Javier Sada Beltrán
José Javier Sada Beltrán

20 de chunio de 2019 – 23 de chunio de 2023
Precediu por Violeta Barba Borderías
Succediu por Marta Fernández Martín
20 de chunio de 2003 – 23 de chunio de 2023
1991 – 1984
Precediu por José Luis Blasco Sabroso
Succediu por Fernando José Duce Borao
Naiximiento 2 d'abril de 1956
Zaragoza (Zaragoza)
Partiu Partido de los Socialistas de Aragón
Profesión Medico

José Javier Sada Beltrán (Zaragoza, 2 d'abril de 1956) ye un politico aragonés miembro d'o Partido de los Socialistas de Aragón (PSOE-Aragón).

Medico de formación, ocupó cuantos cargos en a dirección de centros sanitarios. Estió alcalde d'Ateca (Comunidat de Calatayú), entre os anyos 1991 y 2011. Fue elechiu deputau a las Corz d'Aragón en 2003 y reelechiu succesivament, estando portavoz parlamentario entre 2011 y 2019. En a X lechislatura, entre 2019 y 2013, estió president d'as Corz d'Aragón.

Biografía

[editar | modificar o codigo]

Vida privada

[editar | modificar o codigo]

Ye casau y ye pai d'una filla.

Formación y carrera profesional

[editar | modificar o codigo]

Javier Sada ye licenciau en Medicina y Cirurchía. Estió director medico d'un balneario y cherent d'o Hespital Provincial de Zaragoza. Tamién estió Director d'o Departamento de Bienestar Social d'a Deputación Provincial de Zaragoza y Director d'o Centro Psiquiatrico de Calatayú.

Alcalde mientres cinco mandatos

[editar | modificar o codigo]

Se presenta como cabeza de lista d'o Partido Socialista Obrero Español en as eleccions municipals de mayo de 1991 en o chicot municipio d'Ateca. Ganó as eleccions con o 55,72% d'os votos y siet d'os 11 concellers en chuego, y fue nombrau alcalde. Fue reelechiu en as siguients eleccions, en 1995, 1999 y 2003, obtenendo a mayoría absoluta d'os escanyos d'a corporación municipal. Entre 1999 y 2003, también ocupó o cargo de portavoz d'os socialistas en a comarca d'a Comunidat de Calatayú.

A tamas de quedar primero en as eleccions municipals de 2007, perdió a mayoría absoluta, manimenos conservó o suyo puesto d'alcalde. Encara en cabeza en as eleccions de mayo de 2011, fue sustituyiu por o popular Fernando José Duce Borao dimpués d'una alianza entre o Partido Popular (PP) y o Partido Aragonés (PAR), que sumaban seis d'os 11 escanyos. Se presentó en cinqueno puesto en a lista d'o suyo antigo adchunto Ramón Cristóbal Júdez en as eleccions de 2015 y fue reelechiu como concellero.

Deputau en as Corz d'Aragón

[editar | modificar o codigo]

En as eleccions aragonesas de mayo de 2003, fue incluyiu en o puesto 12 d'a lista de Marcelino Iglesias por a provincia de Zaragoza.[1]. En obtener os socialistas 14 escanyos en a circunscripción, Javier Sada dentra en as Corz d'Aragón. Miembro d'a Comisión de Reglamento y Estatuto d'os Deputaus, fa parti d'a Comisión Institucional, a Comisión d'Ordenación d'o Territorio y a Comisión d'Economía y Presupuestos. Reelechiu en seteno puesto en as eleccions de 2007, fue ascendiu a portavoz d'os socialistas en a Comisión de Medio Ambient y contina fendo parti d'a Comisión Institucional.[2].

Conservó o suyo mandato parlamentario dimpués d'as eleccions de 2011, en as que yera en 10ª posición d'as listas.[3]. Posteriorment fue elechiu portavoz d'o grupo parlamentario socialista y s'incorporó como miembro de pleno dreito a la Deputación Permanent.[4]. En iste cargo, estió especialment critico con a composición d'o gubierno conservador d'a nueva presidenta Luisa Fernanda Rudi por a manca de paridat, l'ausencia de consellers d'a provincia de Teruel y o nombramiento de Mario Garcés, colaborador d'a Fundación para el Análisis y los Estudios Sociales (FAES) presidida por l'expresident d'o Gubierno d'Espanya José María Aznar.[5]. Ascendiu a o tercer puesto d'as listas en 2015, fue reelechiu y dimpués confirmau en as suyas responsabilidaz mientres toda a X Lechislatura.[6][7]. Desempenya un papel clau como negociador con os distintos grupos parlamentarios pa guarenciar una mayoría a o primer gubierno de Javier Lambán, que no tiene mayoría absoluta en as Corz.[8].

President d'as Corz

[editar | modificar o codigo]

Reelechiu en as eleccions aragonesas de mayo de 2019, un alcuerdo entre o Partido Aragonés y as diferents formacions d'ezquierda pa la sesión constitutiva d'as Corz reserva a presidencia d'as Corz y a vicepresidencia primera pa os socialistas, mientres que Podemos obtiene o cargo de secretaire primero. En iste contexto, o nombre de Sada fue propuesto por Javier Lambán, secretaire cheneral d'o PSOE-Aragón y president d'o Gubierno d'Aragón, pa o puesto de president d'as Corz.[9][10]. O 20 de chunio de 2019, como unico candidato, Sada fue elechiu president d'as Corz d'Aragón con 36 votos a favor y l'abstención d'os atros 31 deputaus d'a oposición.[11]. En o suyo discurso d'investidura, esfendió l'autonomía d'Aragón y confió en que a lechislatura s'oriente enta o maximo alcuerdo y consenso.[12]. También sinyaló que quereba reprener o prochecto encetau por a suya predecesora Violeta Barba de creyar una oficina anticorrupción en o Parlamento.[13]. Fue sustituyiu por Vicente Guillén, consellero de Presidencia d'o Gubierno salient, como portavoz d'os deputaus d'o grupo socialista.

De cara a las eleccions de mayo de 2023, Javier Sada dició que no se presentaría a la reelección y que metería fin a la suya carrera politica.[14][15].

Referencias

[editar | modificar o codigo]
  1. ↑ (es) Candidaturas proclamadas a las elecciones para las Cortes de Aragón de 2003. Comisión electoral central, 29 d'abril de 2003.
  2. ↑ (es) Candidaturas proclamadas a las elecciones para las Cortes de Aragón de 2007. Comisión electoral central, 1 de mayo de 2007.
  3. ↑ (es) Candidaturas proclamadas ante la Junta Electoral Provincial de Zaragoza, a Elecciones a Cortes de Aragón de 2011, a celebrar el día 22 de mayo. juntaelectoralcentral.es, 26 d'abril de 2011.
  4. ↑ (es) Emotivo homenaje a 29 vecinos fusilados durante la guerra civil. elperiodicodearagon.com, 5 de setiembre de 2011.
  5. ↑ (es) A la oposición no le gusta el nuevo gobierno de Aragón. ecodeteruel.tv, 15 de chulio de 2011.
  6. ↑ (es) Candidaturas proclamadas anta la Junta electoral provincial de Zaragoza a elecciones a Cortes de Aragón de 2015, a celebrar el dia 24 de mayo. juntaelectoralcentral.es, 28 d'abril de 2015.
  7. ↑ (es) La socialista Julia Vicente ocupará la secretaría primera de las Cortes. heraldo.es, 16 de chunio de 2015.
  8. ↑ (es) Javier Sada (PSOE) apela al consenso tras ser elegido presidente de las Cortes de Aragón. abc.es, 20 de chunio de 2019.
  9. ↑ (es) Javier Sada (PSOE) presidirá las Cortes de Aragón en una mesa con dos sillones socialistas y uno para Ciudadanos, Podemos y PP. eldiario.es, 19 de chunio de 2019.
  10. ↑ (es) Sada relevará a Violeta Barba en la presidencia de las Cortes de Aragón. heraldo.es, 19 de chunio de 2019.
  11. ↑ (es) Javier Sada, del PSOE, elegido presidente de las Cortes de Aragón con apoyos de la izquierda y del PAR. diariodeteruel.es, 20 de chunio de 2019.
  12. ↑ (es) Sada insta a defender el autogobierno como tarea fundamental de las Cortes. heraldo.es, 20 de chunio de 2019.
  13. ↑ (es) Javier Sada: "No será fácil, pero ya se ha demostrado que un gobierno en minoría puede durar". heraldo.es, 23 de chunio de 2019.
  14. ↑ (es) Javier Sada: "Si volviera a nacer intentaría repetirlo, pero todo tiene su momento". Heraldo de Aragón, Mónica Fuentes, 14 de marzo de 2023
  15. ↑ (es) Javier Sada: "Aragón tiene la obligación de ser partícipe activo en la conformación del futuro de este país". Europa Press, 22 d'abril de 2023

Vinclos externos

[editar | modificar o codigo]
  • (es) Ficha en a web d'as Corz d'Aragon.

Predecesor:
Violeta Barba Borderías 		President d'as Corz d'Aragón
20 de chunio de 2019 - 23 de chunio de 2023 		Succesor:
Marta Fernández Martín


Obteniu de "https://an.wikipedia.org/w/index.php?title=José_Javier_Sada_Beltrán&oldid=2214752"