José Ángel Arcega Aperte

Pepe Arcega
Información personal
Naixencia	31 de mayo de 1964 Zaragoza (Comarca Central, Aragón)
Altaria	1,84 m.
Esporte	Basketbol
Profesional en	1982-2001
Universiada
Bronce	Zagreb 1987	Basketbol

José Ángel Arcega Aperte, naixiu de Zaragoza (Comarca Central, Aragón) o 31 de mayo de 1964), conoixiu a sobén como Pepe Arcega, ye un basketbolista aragonés, actualment retirau.

Chugó en os equipos de basketbol d'o Club Baloncesto Zaragoza, lo Saski Baskonia y lo Cáceres Club Baloncesto y estió internacional con a selección espanyola, estando 9^eno en os Chuegos Olimpicos de Barcelona 1992, amás d'altras medallas en campionatos internacionals.

Con 582 partius chugaus en l'ACB ye lo 17^eno chugador d'a historia, con 15.529 minutos ye lo 10^eno, y en puntos, recuperacions y asistencias tamién ye entre los 40 millors.

Antiparte, ye chirmano d'os chugadors Fernando Arcega Aperte y Joaquín Arcega Aperte y tio de JJ Arcega-Whiteside, chugador de fútbol americano en a NFL estausunidense.

Trachectoria esportiva

Anyadas	Equipo	Liga	País
1982-1983	CAI Zaragoza	Liga Nacional	Espanya
1983-1996	Club Baloncesto Zaragoza	ACB	Espanya
1996-1997	Saski Baskonia	ACB	Espanya
1997-2001	Cáceres Club Baloncesto	ACB	Espanya

Titols

• Copa d'o Rei (2): 1983-84 y 1990 (con o CAI Zaragoza).

Vinclos externos

• (es) José Ángel Arcega Aperte en a Gran Enciclopedia Aragonesa.
• (es) Estatisticas de José Ángel Arcega Aperte en a liga ACB.
• (en) Estatisticas olimpicas de José Ángel Arcega Aperte en sports-reference.com.

• Datos: Q1465137