James Earl Jones
| James Earl Jones | |
|---|---|
 L'actor estausunidense James Earl Jones. | |
| Información personal | |
| Calendata naiximiento: | 17 de chinero de 1931 |
| Puesto naiximiento: |  Arkabutla (Mississippi)
|
| Calendata muerte: | 9 de setiembre de 2024 |
| Puesto muerte: | Pawling (Nueva York, Estaus Unius)
|
| Conchuche: | Julienne Marie Cecilia Hart (1982- ) |
| Premios Oscar | |
| Premio Oscar Honorifico: - 2011: por a suya trachectoria profesional. Nominau a l'Oscar a o Millor Actor: - 1970: por The Great White Hope. | |
| Globos d'Oro | |
| Premio Globo d'Oro a la Estrela Emerchent Masculina: 1971: por The Great White Hope. | |
James Earl Jones, naixiu d'Arkabutla (Mississippi) o 17 de chinero de 1931 y muerto en Pawling (Nueva York) o 9 de setiembre de 2024,[1] estió un actor de cine y de teatro y actor de voz estausunidense. Yera fillo d'o tamién actor Robert Earl Jones.
Actor destacau d'o cine estausunidense, estando considerau por muitos (por eixemplo, Alec Baldwin)[2] como "un d'os millors actors d'a historia estausunidense", estió un d'os pioneros d'a presencia en o mundo d'o cine estausunidense d'actors afroamericanos, superando amás a tartamequera que padeixeba dende nino.
Mientres a suya labor interpretativa recibió cuantos premios y nominacions, en destacando una nominación a l'Oscar a lo Millor Actor en a suya 43ena edición y un Premio Oscar Honorario en a suya 64ena edición, chunto con Dick Smith y Oprah Winfrey. Tamién ganó un Globo d'Oro a la Estrela Emerchent Masculina en a suya 28ena edición. Antiparte, ha estau un d'os pocos actors en conseguir lo que en l'argot d'o mundo cinematografico se conoix como EGOT, ye decir, un Premio Emmy (E), un Premio Grammy (G), un Premio Oscar (O) y un Premio Tony (T).[3]
A carrera de James Earl Jones en o mundo d'o cine escomencipió en Dr. Strangelove or: How I Learned to Stop Worrying and Love the Bomb (1960, Stanley Kubrick), a on interpretaba un papel menor, o tenient Lothar Zogg, destacando en a suya carrera como actor as suyas interpretacions en cinta como The Man (1972, Joseph Sargent), Conan the Barbarian (1982, Conan the Barbarian), Claudine (1974, John Berry), Matewan (1987, John Sayles), Coming to America (1988, John Landis), Field of Dreams (1989, Phil Alden Robinson), The Hunt for Red October (1990, John McTiernan), Sneakers (1992, Phil Alden Robinson), The Sandlot (1993, David Mickey Evans), u Cry, the Beloved Country (1995, Darrell Roodt). Como actor de voz, amás d'en The Lion King (Roger Allers y Rob Minkoff), estió bien conoixida la suya voz como Darth Vader en a franquicia cinematografica Star Wars en Star Wars Episode IV: A New Hope (1977, George Lucas), Star Wars Episode V: The Empire Strikes Back (1980, Irvin Kershner), Star Wars Episode VI: Return Of The Jedi (1983, Richard Marquand), Star Wars Episode III: Revenge Of The Sith (2005, George Lucas) y Star Wars Episode IX: The Rise of Skywalker (2019, J. J. Abrams).
Premios
[editar | modificar o codigo]James Earl Jones fue nominau en 1970 a o Premio Oscar a o Millor Actor por o suyo papel en a cinta The Great White Hope, dirichida por Martin Ritt, treballo por o cual recibió tamién un Globo d'Oro a la Estrela Emerchent Masculina en a suya 28ena edición, y en 2011 estió galardonau con o Premio Oscar Honorifico por a suya trachectoria cinematografica, entre d'atros premios cinematograficos.
Por a suya actividat teatral, en l'anyo 1985 fue incluyiu en l'American Theater Hall of Fame, ye decir, lo Salón d'a Fama d'o Teatro Estausunidense. Fuera de l'ambito de premios concedius vinclaus a una interpretación concreta, en 1992 recibió tamién a National Medal of Arts concedida por o Congreso d'os Estaus Unius y en 2002 un Premio Kennedy.
Referencias
[editar | modificar o codigo]- ↑ (en) Muere James Earl Jones, el actor que fue mucho más que Darth Vader y Mufasa en Espinof.
- ↑ (en) Susan King: Oprah shines, Ratner controversy fades at honorary Oscars gala, en Los Angeles Times, 12 de noviembre de 2011..
- ↑ (en) Kate Erbland: James Earl Jones, Esteemed EGOT Winner and Iconic Voice of Darth Vader, Dead at 93, en IndieWure, 9 de setiembre de 2024.
Se veiga tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre James Earl Jones.- (en) James Earl Jones en Internet Movie Database.
| Predecesor: Eli Wallach Jean-Luc Godard Kevin Brownlow |
Premio Oscar Honorifico, chunto a Dick Smith 2011 |
Succesor: D.A. Pennebaker George Stevens Hal Needham |
| Predecesor: Richard Burton Dustin Hoffman Peter O'Toole Jon Voight |
Nominau a l'Oscar a o Millor Actor, con Melvyn Douglas Jack Nicholson Ryan O'Neal 1970 |
Succesor: Peter Finch Walter Matthau George C. Scott Chaim Topol |
| Control d'autoridaz |
|
|---|
Datos: Q203960- Multimedia: James Earl Jones / Q203960