J.R.R. Tolkien

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

J.R.R. Tolkien

Información personal
Calendata de naixencia	3 de chinero de 1892
Puesto de naixencia	Bloemfontein
Calendata de muerte	2 de setiembre de 1973
Puesto de muerte	Oxford
Ocupación	Escritor

John Ronald Reuel Tolkien (dimpués clamau Ronald por toda a chent) naixió lo 3 de chinero de 1892 en Bloemfontein, Sudafrica, y morió lo 2 de setiembre de 1973 en Oxford, Anglaterra. Estió un famoso filologo y escritor anglés de fantesía epica.

Ye conoixiu por estar l'autor de O Hobbit, O Sinyor d'os Aniellos (1954-55) (obra que li fería famoso) y O Silmarillion (publicada postumament en (1977) por o suyo tercer fillo, Christopher Tolkien. Istas tres obras contan a mitolochía d'una tierra leixana d'a que O Silmarillion sería la primera parti, O Hobbit a segunda y O Sinyor d'os Aniellos a tercera. O Silmarillion se publicó postumament porque l'editor no li quereba publicar o libro a Tolkien dau o escaso formato comercial d'o mesmo.

Tolkien teneba conoixencias de luengas antigas (estió dende 1925 dica 1945 profesor d'anglosaxón en a Universidat d'Oxford), y ixo ye present en a suya obra con a invención d'os idiomas sindarin y quenya, luengas artificials ta os personaches d'as suyas obras.

Obras escritas por J.R.R. Tolkien

O Hobbit - Allen & Unwin, 21 de setiembre de 1937
A Fuella de Niggle - Dublin Review, chinero de 1945
Chil, Torrero de Ham - Allen & Unwin, octubre de 1949
O Sinyor d'os Aniellos - A Comunidat de l'Aniello - Allen & Unwin, 29 de chulio de 1954
O Sinyor d'os Aniellos - As Dos Torres - Allen & Unwin, 11 de noviembre de 1954
O Sinyor d'os Aniellos - A Tornada d'o Rei - Allen & Unwin, 20 d'octubre de 1955
Péndices
As aventuras de Tom Bombadil - Allen & Unwin, 22 de noviembre 1962
Árbol y Fuella: y o poema Mythopoeia - Unwin Books, 28 de mayo de 1964
O Ferrero de Wooton Major - Allen & Unwin, 9 de noviembre de 1967

Publicatos por Christopher Tolkien

(setiembre de 1977), O Silmarillion, Allen & Unwin.
(octubre de 1980), Falordias Irrematadas, Allen & Unwin.
(agosto de 1984), O libro d'as falordias trafegatas, parti I, Allen & Unwin.
(agosto de 1984), O libro d'as falordias trafegatas parti II, Allen & Unwin.
(agosto de 1985), As Baladas de Beleriand (III), Allen & Unwin.
(agosto de 1986), A Formación d'a Tierra Meya (IV), Allen & Unwin.
(agosto de 1987), O Camín Trafegato y atros escritos (V), Unwin Hyman.
(agosto de 1988), A Tornada d'a Uembra (VI), Unwin Hyman.
(setiembre de 1989), A Traidoría de Isengard (VII), Unwin Hyman.
(setiembre de 1990), A Guerra de l'Aniello (VIII), Unwin Hyman.
(chinero de 1992), Sauron derrotado (IX), HarperCollins Publishers.
(setiembre de 1993), L'Aniello de Morgoth (X), HarperCollins Publishers.
(setiembre de 1994), A Guerra d'as Choyas (XI), HarperCollins Publishers.
(setiembre de 1996), Os Pueblos d'a Tierra Meya (XII), HarperCollins Publishers.
(agosto de 2002), The History of Middle-earth Index (XIII), HarperCollins Publishers. ISBN 978-0-00-713743-5.
Os Fillos d'Hurin, HarperCollins Publishers. ISBN 978-0-00-725226-8.

Adaptacions cinematograficas

O Sinyor d'os Aniellos, estió levada a lo cine en forma de trilochía que con cualques variacions se cinye, en linias chenerals, a la trama prencipal d'a novela. Comprende tres cintas epicas de fantesía, acción y aventuras: The Lord of the Rings: The Fellowship of the Ring de l'anyo 2001, The Lord of the Rings: The Two Towers de l'anyo 2002 y The Lord of the Rings: The Return of the King de l'anyo 2003.

As tres cintas estioron escritas, producidas y endrezadas per Peter Jackson, coescritas per Fran Walsh y Philippa Boyens, protagonizadas por Elijah Wood, Ian McKellen, Viggo Mortensen, Liv Tyler, Sean Astin, Cate Blanchett, Orlando Bloom y Christopher Lee entre d'atros, y distribuyidas per New Line Cinema. Considerau como un d'os mayors prochectos cinematograficos acometidos, con una recaudación global de mas de 2.900 millons de dolars, lo prochecto completo duró ueito anyos, con a filmación simultania d'as tres cintas y rodadas enterament en a tierra natal de Jackson, Nueva Zelanda.

Bibliografía

Carpenter, Humphrey. Las cartas de J. R. R. Tolkien. Colaboración de Christopher Tolkien, y tradcucción de Rubén Masera. Barcelona: Ediciones Minotauro, chunio de 1993. ISBN 978-84-450-7121-2.
Carpenter, Humphrey. J. R. R. Tolkien, una biografía. Traducción de Carlos Peralta. Barcelona: Ediciones Minotauro, abril de 1990. ISBN 978-84-450-7157-1.
(en) Garth, John. Tolkien and the Great War: The Threshold of Middle-earth . Londres: HarperCollins, aviento de 2003. ISBN 0-00-711952-6.
Grotta, Daniel. J. R. R. Tolkien: el arquitecto de la Tierra Media. Traducción de Soledad Silió. Barcelona: Ed. Planeta, chinero de 1982. ISBN 978-84-320-3615-6.
(en) Tolkien, Priscilla; Tolkien, John. The Tolkien Family Album. Houghton Mifflin, 3 de chinero de 1992. ISBN 978-0395599389.

Filmografía

Tolkien, cinta de l'anyo 2019 dirichida por Dome Karukoski, interpretada por Nicholas Hoult y Lily Collins y musica de Thomas Newman.

Vinclos externos

Se veigan as imáchens de Commons sobre J. R. R. Tolkien.

Wikiquote tien una replega de frases celebres de u sobre J.R.R. Tolkien.

Sociedaz

Comunidaz de fans

Coleccionismo

Mithril Miniatures

Datos: Q892
Multimedia: J. R. R. Tolkien / Q892