Incendio forestal d'Ateca de 2022

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'incendio forestal d'Ateca de 2022 ye un incendio que empecipió lo 18 de chulio de 2022 en a Comunidat de Calatayú (Aragón), y que afectó sobretot a los municipios d'Ateca y Moros, que han visto como se cremaba la practica totalidat d'o suyo termin municipal, y a los municipios de Villa Luenga, Turrillo, Castellón d'as Armas, Embit de Fariza, Alfama d'Aragón, Bubierca, Cetina y Contamina. A redolada afectada s'extiende per mas de 14.000 hectarias con un perimetro de 72 kilometros. Os lugars afectaus habioron d'estar evacuaus y mientres unas 30 horas va estar interrumpiu lo trafico en l'Autovía d'o Nord-este.[1]

L'incendio d'Ateca estió provocau mientres os treballos de reforestación que levaba a cabo la interpresa Campos Rey, subcontratada per a holandesa Land Life Company, en os quals pretendeba reforestar 200 hectarias en o lugar de Monegriello.[2] Mientres se realizaban istos treballos, l'18 de chulio de 2022, pegó un blinco una purna d'una d'as maquinas que yeran treballando, prencipiando lo fuego que s'extendió a escape, cremando lo primer día 500 hectarias, puyando a 5.500 lo segundo día y a 14.000 hectarias lo día 20 de chulio.[3]

Referencias[editar | modificar o codigo]