Impermiable (ropa)

Nino con un impirmeable y botas d'augua.

Un impermiable ye una mena de ropa d'agua. Ye una gabardina no permiable a l'augua, que s'emplega mas que mas ta protecher-se d'a pluya, feita de material plastificau u laminau con plastico u -antis d'a existencia d'o plastico- con goma. Apareixió en o sieglo XIX en Escocia.

S'usan en muitos esportes y profesions en a mar, como a pesca, y tamién gosan portiar-lo os ninos chicoz, chunto a las botas de goma, os días de pluya. Tamién i hai versions mas finas ta adultos, que estioron de moda sobre tot en as decadas de 1970 y 1980 d'o sieglo XX.

Una pieza pareixida a l'impermiable ye a capa (siempre confeccionadas con telas engomadas u plastificadas), que se distinguen por estar zarradas y sin mangas, muit practica ta superposar-la sobre una pieza d'abrigo y que s'ha usau a-saber-lo ta ir ta a montanya u en bicicleta. O canguro estió un tipo d'impermiable, ya confeccionau con un teixiu muito mas blando y lichero, que teneba a particularidat de que se replegaba adintro d'él mesmo, por un regular en una pocha dezaga d'o cuello, de modo que quedaba como una especie de bolseta compacta que se podeba cargar con facilidat.

Recientment, con l'aparición de teixius impermiables mas lichers, blandos y comodos, o suyo uso s'ha amugau a-saber-lo. Os anoraks son piezas de vestir impermiables, que ya no son de plastico con as avantallas que tien isto, como tamién os tallavientos, a ropa d'esquí, etc.

Vinclos externos

• (en) bouncing-balls.com – cronolochía d'o desarrollo d'a goma.

• Datos: Q2018769
• Multimedia: Raincoats / Q2018769