Ilesia de Sant Osvaldo de Traunstein
| Ilesia de Sant Osvaldo Stadtpfarrkirche St. Oswald | |
|---|---|
| |
| Situación cheografica | |
| Estau | |
| País | |
| ' | |
| Situación |  Traunstein (Bavera, Alemanya)
|
| Adreza | |
| Coordenatas | |
| Archidiocesi | |
| Diocesi | Múnich y Freising |
| Arcipestrau | |
| Información cheneral | |
| Advocación | Sant Osvaldo |
| Culto | Catolico |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia |
| Estilo | Barroco |
| Función | |
| Catalogación | |
| Materials | |
| Construcción | |
| Construcción | Sieglo XIV |
| Fundador | |
| Inicio | |
| Fin | |
| Inauguración | |
| Destrucción | |
| Equipo disenyador | |
| Arquitecto | Gaspare Zuccalli |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A ilesia de Sant Osvaldo de Traunstein (en alemán Stadtpfarrkirche St. Oswald, en bavaro Stodpforrkiach St. Oswald) ye una ilesia d'estilo barroco que se troba en a ciudat de Traunstein (Alta Bavera, Bavera, Alemanya). Eclesiasticament ye una ilesia parroquial perteneixient a l'archidiocesi de Múnich y Freising.
O 8 de chulio de 1951 estió a ilesia en a que celebroron a suya primera misa dimpués d'a suya ordenación Joseph Ratzinger, futuro Benedet XVI, y o suyo chirmán Georg.
Geschichte
[editar | modificar o codigo]A ilesia adedicada a sant Osvaldo fue construyida probablement en o sieglo XII en estilo romanico tardano y reconstruyida dimpués en estilo gotico. Se i fa mención por primera vegada en l'anyo 1342 como ilesia dependient d'a ilesia parroquial de l'Anunciación de Haslach. A ilesia se veyió afectada por os incendios que i habió en a ciudat en os anyos 1371, 1704 y 1851. Manimenos contina conservando esencialment a estructura d'ilesia d'estilo de Vorarlberg construyida entre 1675 y 1690 seguntes os plans de Kaspar Zuccalli. Os mayestros d'obras estioron Antonio Riva y Lorenzo Sciascia, que igual que Zuccalli veniban d'a escuela d'os Grisons. A reconstrucción d'a ilesia, danyada por l'incendio d'a ciudat, se basó de recabo en os plans de Sciascia. L'altar mayor, rematau en 1732, fue reyalizau por o escultor muniqués Joseph Poschenrieder seguntes un disenyo d'o capellán d'a cort electoral Wenzel Mirowsky. Substituyó a un altar construyiu por Johann Wolfgang Dersch en 1715, que fue desmontau y vendido a Halfing, a on encara puet veyer-se en l'actualidat en a ilesia de l'Asumpción. Dersch construyió una versión mas chicota d'iste altar pa a ilesia de Sant Vito y Santa Ana en Ettendorf.[1]
_vor_1851.png)
Dimpués de muitos intentos infructuosos, o 20 d'aviento de 1850 a ciudat de Traunstein consiguió por decreto ministerial o treslau d'a seu parroquial dende Haslach enta Sant Osvaldo. L'incendio d'a ciudat de 1851 destruyió l'armación d'a torre y a vuelta d'o coro. L'interior d'a iglesia fue reconstruyiu en 1855. En 1885, a parti occidental d'a ilesia con a portalada prencipal y a torre se construyioron en a suya forma actual seguntes os planos de l'arquitecto reyal d'o districto Moritz von Horstig. O pintor d'ilesias y historiador local Max Fürst reyalizó entre 1904 y 1909 nuevos frescos en estilo nazareno tardano. Parti d'o mobiliario y o estuco neobarroco tamién son en gran mida mas recients. Mientres a renovación de 1967, se sacoron os cuatre baldaquins d'as esquinas d'o portegau y se quitoron o sillerío d'o coro, a pedricadera y o barandau arredol d'o presbiterio, d'alcuerdo con a nueva liturchia d'o Concilio Vaticano II.
O 8 de chulio de 1951 Joseph Ratzinger celebró a suya primera misa chunto a o suyo chirmán Georg Ratzinger en Sant Osvaldo. Dimpués d'o suyo retiro como Papa, donó a la ilesia a suya cruz pectoral papal, que fue furtada d'astí o 19 de chunio de 2023.[2]
En agosto de 2018 prencipioron as obras de renovación en Sant Osvaldo.[3]
Descripción
[editar | modificar o codigo]A ilesia tien una torre rematada en cupula bulbosa y una frontera de dos pisos d'o sieglo XIX. Por o suyo disenyo interior ye d'una ilesia d'estilo de Vorarlberg, barroco tardano d'o sieglo XVII con galerías laterals y coro retraito. Se divide en siet trampos. As naus laterals, poco fundas, tienen capillas y galerías dencima y son cubiertas por vueltas de canyón transversals. En a parti bantera d'os pilars d'os muros destacan as dobles pilastras planas. O borde superior d'a barana d'as galerías se troba por debaixo d'a zona d'os capitels d'as pilastras. O espacio d'a nau prencipal, sorprendentment bien proporcionau, ye zarrau por una cupula gallonada, dividida por arcos de meyo punto[4]. Un arco triunfal en forma d'arcada de meyo punto leva dende a nau prencipal enta o coro, dando grandeza a o espacio. Todas as vueltas son decoradas con ricos estucos neobarrocos.
Mobiliario
[editar | modificar o codigo]O mobiliario incluye nueu altars d'os que siet datan d'a primera metat d'o sieglo XVIII. A resta d'o mobiliario data mas que mas d'entre 1852 y 1855. L'imponent altar mayor, esviellau en 1855, con o suyo pedestal, o piso prencipal de cuatre columnas y as feguras laterals de sant Ruperto y a Virchen María ye esencialment o mesmo que l'altar reyalizau en 1732.
Organos
[editar | modificar o codigo]En 1856 s'instaló en a ilesia un organo construyiu por l'organero Johann Ehrlich. L'instrumento s'esvielló cuantas vegadas, manimenos en veyendo os deficits y defectos que teneba se decidió construyir un nuevo sistema d'organos formau por un organo prencipal y un organo de coro.[5] O conchunto fue nombrau en honor de Joseph Ratzinger como "Organo Papa Benedet“.
Organo de coro
[editar | modificar o codigo]O nuevo organo de coro fue construyiu en 2011 por a empresa austriaca de construcción d'organos Pirchner (Steinach). L'instrumento, purament mecanico y d'estilo italiano, dispone de 9 rechistros sonoros en o suyo teclau. Toz os rechistros se dividen en grieus y agudos. Os rechistros d'o pedalero son transmisions d'o teclau.
Organo prencipal
[editar | modificar o codigo]Os 24 rechistros de l'organo d'Ehrlich-Orgel se dividiban entre dos teclaus y un pedalero.[6] En 1929 Willibald Siemann construyió en a carcasa orichinal un nuevo instrumento de 35 rechistros distribuyius en dos teclaus y un pedalero. Iste instrumento estió un d'os mas grandes en a historia d'a companyía. En 1977, Günter Ismayr de Bernried miró de construyir un nuevo organo con tres teclaus y 33 rechistros conservando a carcasa orichinal.[7] En vista d'os problemas tecnicos, a obra fue albandonada[8] y substituyida en 2021 por una nueva obra d'a empresa organera Klais (Bonn). O nuevo instrumento conta con 44 rechistros en tres teclaus y un pedalero.[9].
Galería d'imáchens
[editar | modificar o codigo]-
Dende a plaza d'a ciudat -
En 1851 -
Interior -
Altar de sant Osvaldo -
Estatua de Benedet XVI -
Ecce Homo
Ilesias dependients
[editar | modificar o codigo]As siguients ilesias son dependients d'a parroquia de Sant Osvaldo:[10]
- Sant Chorche y Catalina en o parque municipal (ilesia d'o memorial de guerra)
- Sant Ruperto y Sant Maximiliano d'Au (capiella de l'antiga salina)
- Sant Vito y Santa Ana d'Ettendorf
- Sant Chusé y Sant Salvador de Sparz
Referencias
[editar | modificar o codigo]- ↑ (de) St. Oswald/Traunstein. Peter von Bromhard und Georg Brenninger. 5ª edición, Schnell und Steiner, Múnich 1992, ISBN 978-3-7954-4323-8, S. 8
- ↑ (de) Brustkreuz von Papst Benedikt aus Traunsteiner Kirche gestohlen. Matthias Köpf. Süddeutsche Zeitung, 20 de chunio de 2023.
- ↑ (de) Veränderungen in St. Oswald
- ↑ (de) "Die kirchliche Barockarchitektur in Bayern und Oberschwaben 1580 - 1780". Bernhard Schütz. Hirmerverlag. Múnich, 2000. ISBN 978-3777482903. Pach. 42}}
- ↑ (de) Orgelanlage
- ↑ (de) Orgeln in Altbayern. Georg Brenninger. GeraNova Bruckmann, 1982, ISBN 3-7654-1859-5, p. 132.
- ↑ (de) Orgeln in Altbayern. Georg Brenninger. GeraNova Bruckmann, 1982, ISBN 3-7654-1859-5, p.. 173.
- ↑ (de) Información en www.berchtesgadener-anzeiger.de
- ↑ (de) Información sobre o nuevo organo] en a web d'a empresa organera
- ↑ (de) Ilesias dependients d'a parroquia de Sant Osvaldo en stadtkirche-traunstein.de
Vinclos externos
[editar | modificar o codigo]
Se veigan as imáchens de Commons sobre a ilesia de Sant Osvaldo de Traunstein.- (de) Pachina oficial d'a ilesia parroquial de Sant Osvaldo
| Control d'autoridaz |
|
|---|
Datos: Q2327906- Multimedia: St. Oswald (Traunstein) / Q2327906