Ilerchez

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ilerchez  (†) Iltirgesken
Periodo
Edat Antiga
Rechions actuals
Aragón (provincia de Uesca) Catalunya (provincia de Leida)
Idiomas
Ibero
Liders
Indíbil, Mandonio
Pueblos relacionaus
Atros pueblos ibers
Mapa
Mapa de l'aria que dominaban os ilerchez

Os ilerchez estioron un pueblo iberico que habitaba en zonas d'as actuals provincias de Leida y Uesca.

Tenioron un papel important en a II Guerra Punica. En tiempos d'as guerras punicas teneban un rei, Indibil y un cabo militar, Mandonio. Preboron d'aproveitar a segunda guerra punica pa librarse d'os cartachineses y romanos aduyando a os uns u os atros d'alcuerdo con as circustancias y tamién pa ganar importancia debant d'os pueblos vecins, consolidando y enamplando os suyos dominios.

A lo principio estioron aliaus d'os cartachineses y fustigaban a las tropas romanas. Esto encomenzó a cambear cuan os romanos conquirioron Cartachena en l'anyo 209, y Publio Cornel Escipión libero os hostaches u refenas d'as clases dirichents iberas, entre os que yera a familia de Mandonio.

En l'anyo 208 Indíbil cayó presionero en a batalla de Bailén cuan luitaba a lo costato d'os cartachineses. En l'anyo 207 Indíbil y Mandonio organizoron una sublevación con o refirme d'o cheneral cartachinés Magón. Escipión los castigó imposando-lis un tributo. Cuan os exercitos cartachineses desapareixioron d'a peninsula Indíbil y Mandonio organizoron una sublevación unindo a la mayor parte d'os pueblos d'o nord-este peninsular, con un exercito de 30000 hombres y cuasi 4000 chinetz. Indíbil morió en a batalla y Mandonio cayó prisionero y fue executato.

Roma imposó a los ilerchez un rei vasallo de Roma, perdioron l'autonomía y capacidat d'organizar tropas y quedoron sozmesos a pagar un impuesto regular como atros pueblos d'a peninsula.

Mencions en fuents aragonesas

En a "Grant Cronica d'Espanya", compilación historica de Chuan Ferrández d'Heredia en parlan:

assi q(ue) tornos[ ]ende / & passo otra uegada Ebro. Scipion huyendo las nueuas d(e)los nueuos enemigos co(n) toda su companya corrio / & fue alla. & como el huuiesse p(re)so ue(n)ga(n)c'a de algunos de aq(ue)llos q(ue) Asdrubal hauia tornados assi el sen uino con todo su nauilio derecho a Ampurias dexada sufficie(n)t guarda / o guarnizon en Tarragona. Mas tantost q(ue)l sende fue p(ar)tido. Asdrubal uino alli & costrinyo el pueblo d(e)los yllerges / q(ue) quiere dezir de lerida. por q(ue) hauian dado ostages a Sc'ipion / & q(ue) hauian defallido a el. & co(n) lur p(ro)p(r)ia ioue(n)tut priso se a gastar la tierra d(e)los companyeros fieles alos Romanos. mas Scipion ot(r)a uegada esueylado retorno d(e)las tiendas yuernales enta Ebro. Et como el huuiesse escometida la ge(n)t d(e)los yllerges aq(ue)llos q(ue) hauian estado actores de lur defalle(n)c'a sen fuyeron. & Scipion con toda su huest fazie(n)do les danyo costrinyolos de retornasse a el. & sitio la çiudat dauatagre que era cabeça de aq(ue)l pueblo la q(u)al se re(n)dio ael en breu tiempo / & requirio d(e)los yllerges muchos mas ostages que no tenia d(e)llos a(n)tes. Et encara mas. los (con)dampno en penna peccuniaria. & ap(re)s reçibiolos ensu pod(er) / & ensu senyoria. & despues de alli fuessende (con)t(r)a los suetanos qui era(n) (com)panyeros d(e)los pennos. los q(u)ales eran dalla de ebro.

Bibliografía

• (es) Julio Mangas: De Aníbal al emperador Augusto. Hispania durante la República Romana. Historia 16.

• Datos: Q510579
• Multimedia: Ilergetes / Q510579