Hyderabad

Hyderabad హైదరాబాద్ حیدر آباد
Localidat d'a India
Hyderabad
País  • Estau  • Districto	India Andhra Pradesh Hyderabad
Superficie	650 km²
Población  • Total	9 191 000 hab. (2025)
Altaria  • Meyana	542 m.
Codigo postal	500001
Coordenadas	17°21’42’’N78°28’28’’E
Hyderabad Hyderabad en India
Web oficial

Hyderabad (en telugú హైదరాబాద్ , en urdú حیدر آباد) ye una ciudat d'a India y la capital de l'estau d'Andhra Pradesh.

Lo 2 de chunio de 2014, Hyderabad s'unió a l'estau recientment establiu de Telangana, que se deseparó d'o estau d'Andhra Pradesh. Mientres un periodo de transición de diez anyos, Hyderabad funcionará como la capital conchunta de Telangana y Andhra Pradesh.

Puestos d'intrés

• Charminar.
• Fortaleza de Golconda.
• Palacio de Falaknuma.
• Palacio de Chowmahalla.
• Mesquita de Makkah Masjid.
• Ramoji Film City.

Esporte

En o sieglo XIX, mientres lo dominio britanico, se convirtió en un conoixiu centro esportivo y se construyioron muitos hipodromos, campos de hockey hierba y campos de polo. Con o seiseno Nizam, Asaf Jah VI, que yera un gran aficionau a las corridas de caballos establió la Hyderabad Race Club en l'anyo 1868, encetando una gran tradicción en as cursas de caballos que dura dica la actualidat, posteriorment mientres os anos 1950 y 1970 lo futbol se convirtió en o esporte mas popular en a ciudat estando un referentpa lo fútbol d'o país, ya que los chugadors d'os equipos d'a ciudat formoron lo nuclio d'o equipo de nacional de Futbol masculín d'India.

Los esportes mas populars actualment en Hyderabad son lo cricket, lo fútbol y lo hockey sobre hierba, amás d'atros esportes tradicionals como la luita india (conoixida como Kushti u Pehlwani) que ye popular entre toz los grupos de personas y edaz.

Esportistas

Los esportistas mas conoixius y de libel internacional de Hyderabad son prencipalment chugadors de críquet y hockey hierba incluyindo: Ghulam Ahmed, M.L. Jaisimha, Mahesh Devnani, Mohammed Azharuddin, V.V.S. Laxman, Venkatapathy Raju, Shivlal Yadav, Arshad Ayub, Syed Abid Ali, Mithali Raj y Noel David, toz éls chugadors de críquet ; los chugadors de futbol Syed Abdul Rahim, Syed Khaja Moinuddin, Syed Nayeemuddin y Shabbir Ali; la tenista Sania Mirza; los chugadors de badminton S.M. Arif, Pullela Gopichand, Saina Nehwal, P.V. Sindhu, Jwala Gutta y Chetan Anand; los chugadors de hockey hierba Syed Mohammad Hadi y Mukesh Kumar; los tiradores de rifle Gagan Narang y Asher Noria.

Competicions esportivas

A libel profesional, la ciudat ha estau siede d'eventos esportivos nacionals y internacionals, d'entre los cuals cal destacar competicions poliesportiva como los National Games d'a India de 1979 y 2002, los Chuegos Afro-Asiaticos de 2003 u los Chuegos Mundials Militars de 2007, amás de torneos d'un solo esporte como lo torneo de tenis femenino AP Tourism Hyderabad Open de 2004, lo Campeonato Mundial de Badminton de 2009 y lo Campeonato Mundial de Snooker IBSF de 2009 y lo Hyderabad ePrix en 2022, como parte d'o calandario de grans premios d'a Formula E d'ixe anyo.

Los eventos regulars anyals que se celebran en Hyderabad son: lo Deccan Derby y lo Moin-ud-Dowlah Gold Cup Tournament que en l'actualidat no se celebra.

Vinclos externos

• Se veigan as imáchens de Commons sobre Hyderabad.

• Datos: Q1361
• Multimedia: Hyderabad, India / Q1361