Hugo Chávez
| Hugo Chávez | |
|---|---|
.jpg)
| |
| 2 de febrero de 1999 – 5 de marzo de 2013 | |
| Lugartenient | Isaías Rodríguez (2000) Adina Bastidas (2000-2002) Diosdado Cabello (2002) José Vicente Rangel (2002-2007) Jorge Rodríguez Gómez (2007-2008) Ramón Carrizales (2008-2010) Elías Jaua Milano (2010-2012) Nicolás Maduro (2012-2013) |
| Precediu por | Rafael Caldera |
| Succediu por | Nicolás Maduro (interino) |
| 9 de marzo de 2007 – 5 de marzo de 2013 | |
| 1996 – 9 de marzo de 2007 | |
| Naiximiento | 28 de chulio de 1954 Sabaneta, Barinas
|
| Muerte | 5 de marzo de 2013 Caracas
|
| Partiu | Partido Socialista Unido de Venezuela |
| Profesión | Militar |
| Alma Máter | Academia Militar de Venezuela |
| Relichión | Catolica |
| Sinyal | 
|
_logo.svg){kind=logo}
Hugo Chávez Frías, naixiu de Sabaneta (Barinas) o 28 de chulio de 1954 y muerto en Caracas o 5 de marzo de 2013, estió un militar y politico venezolano, qui estió president de Venezuela dende o 2 de febrero de 1999 dica la suya muerte o 5 de marzo de 2013.[1]
En chulio de 2012 anunció que s'heba recuperau d'a malautía de cáncer que l'heba estau diagnosticada.[2] O 7 d'octubre de 2012 ganó as eleccions presidencials de 2012, redotando a o candidato d'a oposición, Henrique Capriles, con un 54,4% d'os votos frent a un 44%.[3]
Primers anyos
[editar | modificar o codigo]Yera fillo d'os mayestros Hugo de los Reyes Chávez y Elena Frías. Se casó dos vegadas y yera pai de cuatre fillos. Realizó estudios profesionals en l'Academia Militar de Venezuela y de ciencias politicas en a Universidat Nacional Experimental Simón Rodríguez (UNESR). Fue condecorau en cuantas ocasions y teneba o grau militar de tenient coronel.
En 1982, fundó clandestinament con atros militars o Movimiento Bolivariano Revolucionario-200 (MBR-200), d'ezquierdas y nacionalista. Postulau como candidato, y con o refirme de cuantos partius politicos d'ezquierdas, ganó as eleccions d'o 6 d'aviento de 1998 y se convirtió en o 53° president d'a Republica.
Carrera militar
[editar | modificar o codigo]O Caracazo
[editar | modificar o codigo]En zaguerías d'os anyos 1980, o president venezolano Carlos Andrés Pérez aplica un plan de choque neoliberal baixo os dictaus d'o Fundo Monetario Internacional (FMI).
O 27 de febrero de 1989 as clases populars de Caracas se mobilizan masivament contra ista mida en un movimiento dito Caracazo y como respuesta, Carlos Andrés Pérez ordena a l'exercito reprimir as manifestacions populars, causando entre 500 y 5000 muertos, seguntes as fuents.
Ista orden de disparar contra a población civil prevoca un gran refuese aintro d'as mesmas fuerzas armadas, y son cuantos os militars que buscan destins a on no sían obligatos a cumplir-la, entre els Hugo Chávez.
A insurrección de 4 de febrero de 1992
[editar | modificar o codigo]O 4 de febrero de 1992 un grupo de militars dirichius por Chávez protagonizan un golpe d'estau contra o gubierno de Carlos Andrés Pérez. O golpe fracasa, y Chávez, dimpués d'exponer breument a enchaquia d'a suya insurrección y d'asumir a responsabilidat d'os feitos, anuncia a suya rendición en un discurso televisau, "ta mirar d'evitar o derrame de sangre innecesario" seguntes as suyas parolas. O intento golpista, sin de precedents dende que o 23 de chinero de 1958 un movimento civico-militar hese derrocau a dictadura de Marcos Pérez Jiménez, encara que ista vegada yera dirichiu contra un rechimen constitucional, fue aculliu con goyo por una parti considerable d'a población. Chávez fue engarcholau ascape en a garchola de Yare, pendient de chuicio.
O 27 de novembre d'o mesmo anyo un atra colla de militars descontentos protagoniza un nuevo intento de golpe d'estau que tamién fracasa, a tamas d'as grans protestas en a carrera.[4] Entre as suyas reivindicacions bi heba a liberación de Chávez. Manimenos, pocos meses dimpués o parlamento destituye a o president Carlos Andrés Pérez por malversación de fundos.
O gubierno de Rafael Caldera
[editar | modificar o codigo]En 1994, o nuevo president Rafael Caldera cumple a suya promesa electoral y alcuerda o sobreseimiento d'o proceso uberto contra Chávez. Ya en libertat Chávez funda a organización politica Movimiento Cinquena Republica (MVR por as suyas siglas en castellano) y prencipia a recorrer o país explicando a suya propuesta de convocatoria d'una Asamblea Nacional Constituyent ta rechenerar o país y espardir un ideario nacionalista basau en o pensamiento d'o líder d'a independencia Simón Bolívar asinas como cuantas propuestas progresistas.
Vinclos externos
[editar | modificar o codigo]
Se veigan as imáchens de Commons sobre Hugo Chávez.
| Predecesor: Rafael Caldera |
President de Venezuela 1999-2013 |
Succesor: Nicolás Maduro (interín) |
| Predecesor: - |
President d'o PSUV 2007-2013 |
Succesor: ???? |
| Predecesor: - |
President d'o MVR 1997-2007 |
Succesor: - |
Referencias
[editar | modificar o codigo]- ↑ (es) Muere el presidente de Venezuela, Hugo Chávez, en o diario Heraldo de Aragón.
- ↑ (an) Chávez asegura estar de raso recuperau d’o cancer y para as eleccions, en o diario Arredol.
- ↑ (an) Hugo Chávez gana por 10 puntos d’esferencia, en o diario Arredol.
- ↑ (en) Report from Venezuela: beating back neoliberalism. Commonweal. 23/10/1998
| Control d'autoridaz |
|
|---|
Datos: Q8440- Multimedia: Hugo Chávez / Q8440