Hermione Granger

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Hermione Granger
Hermione Granger
Información personal
Calendata de naixencia:	19 de setiembre de 1979
Ocupación:	Estudiant de machia
Especie:	Humán
Conchuche:	Ron Weasley
Fillos:	Rose Granger-Weasley, Hugo Granger-Weasley
Personache de cine
Cinta:	Harry Potter and the Philosopher's Stone
Director:	Chris Columbus
Actriz:	Emma Watson
Anyo:	2001

Hermione Jean Granger ye un personache de ficción y una d'os tres protagonistas prencipals d'a serie de libros de Harry Potter, publicaus por J. K. Rowling. Amaneixe en a primera novela, Harry Potter y a pietra filosofal, como una nueva estudiant en o suyo camín a Hogwarts. Dimpués que Harry y Ron la salvoron d'un trol de montanya en os escusaus d'as mocetas, se formó una estreita amistat entre ells y con freqüencia usa lo suyo inxhenio rapido, y conoixencia enciclopedica ta aduyar-los.

Hermione ye a moceta mas intelichent d'o suyo curso en o Colechio Hogwarts de Machia y Fetillería. Igual que Harry y Ron perteneixe a la casa de Gryffindor, manimenos que o chapero seleccionador consideró colocar-la en Ravenclaw a causa d'as suyas prominents capacidatz intelectuals. Ye d'orichen muggle: os suyos pais son totz dos dentistas y no tienen garra relación con o mundo d'os magos. Li encanta leyer; manimenos, no sabe dibuixar. No li fa goyo trencar as reglas de no haber bella emerchencia y no ye especialment entusiasta d'o quidditch, l'esporte machico, encara que empara a os suyos amigos mientres o campeonato. Tiende a creyer que tot lo que cal saber se puet aprender d'un libro; y ye sceptica sobre qualsiquier cosa que no pueda comprobar-se con la Sciencia, despreciando por tanto l'asignatura de divinería impartida por a profesora Sybill Trelawney. Hermione conoixió a Harry Potter y a Ron Weasley en l'Expreso de Hogwarts.