Harry Potter

Harry Potter.

Harry Potter ye una serie de siet novelas de fantesía escritas por a escritora britanica J. K. Rowling. As novelas narran a vida d'un choven mago clamau Harry Potter, y os suyos amigos Hermione Granger y Ron Weasley, totz os quals son estudiants d'o Colechio Hogwarts de Machia y Fetillería. A historia prencipal se refiere a la luita d'Harry contra Lord Voldemort, un mago fosco que tien a intención de tornar-se immortal, derrocar a o cuerpo gobernaire de magos conoixiu como que o Ministerio de Machia y subchugar a totz os magos y muggles (personas no machicas).

Dende o lanzamiento d'a primera novela, Harry Potter y a piedra filosofal, o 26 de chunio de 1997, os libros han obteniu una immensa popularidat, emponderamientos d'a critica y l'exito comercial en totz. Han atraito a una amplia audiencia de adultos, asinas como a lectors mas chovens, y a ormino se consideran piedras angulars d'a literatura moderna para chovens adultos. Dica febrero de 2018, os libros han vendiu mas de 500 millons de copias en totz, o que los convierte en a serie de libros mas vendida d'a historia, y s'han traduciu a uitanta idiomas.^[1]

Os siet libros orichinals estioron adaptaus en una serie de cintas homonimas de ueito partes por Warner Bros. Pictures, que ye a tercera serie de cintas mas taquillera de totz os tiempos dica febrero de 2020. En 2016, s'estimó a valor total d'a franquizia d'Harry Potter en 25 mil millons de dolars, fendo d'Harry Potter una d'as franquizias de meyos de mayor recaudación de totz os tiempos.

Novelas[editar | modificar o codigo]

Harry Potter y a piedra filosofal (Harry Potter and the Philosopher's Stone), 1997.
Harry Potter y a cambra secreta (Harry Potter and the Chamber of Secrets), 1998.
Harry Potter y o preso d'Azkaban (Harry Potter and the Prisoner of Azkaban), 1999.
Harry Potter y o cáliz de fuego (Harry Potter and the Goblet of Fire), 2000.
Harry Potter y l'orden d'o Fénix (Harry Potter and the Order of the Phoenix), 2003.
Harry Potter y o misterio d'o prenzipe (Harry Potter and the Half-Blood Prince), 2005.
Harry Potter y as relicas d'a Muerte (Harry Potter and the Deathly Hallows), 2007.