Henryk Sienkiewicz
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Henryk Sienkiewicz 
| |
|---|---|
 Henryk Sienkiewicz. | |
| Información personal | |
| Calendata de naixencia | 5 de mayo de 1846 |
| Puesto de naixencia |  Wola Okrzejska (Reino d'o Congreso)
|
| Calendata de muerte | 15 de noviembre de 1916) |
| Puesto de muerte |  Vevey (Suiza)
|
| Ocupación | Escritor y novelista |
Henryk Adam Aleksander Pius Sienkiewicz (n. Wola Okrzejska, Polonia, 5 de mayo de 1846 - † Vevey, Suiza, 15 de noviembre de 1916). Escritor y novelista polaco, Premio Nobel de Literatura en 1905.
Empecipió como periodista en 1869, reyalizando quantos viaches entre 1876 y 1879, treballando en os Estaus Unius como ninviato especial entre 1876 y 1878. En 1882 fue nombrato director d'o periodico conservador Slowo. Estando ya un prestichioso periodista y gran esfensor d'a causa de Polonia, ninvió una carta ubierta a Guillén II, emperador d'Alemanya en a que s'oposaba a la chermanización d'a Posnania y con a que atrayó a ficacio mundial sobre o esdevenidero d'o suyo país. En os prencipios d'a Primera Guerra Mundial, se trobaba en Suiza, an formó, chunto con Paderewski, o comité t'as victimas d'a guerra en Polonia.
Especializato en temas socials, estió muit popular en o suyo tiempo, anque agora ye apenas leyito. As suyas obras más importans se tratan os poblemas socials d'os campesins y os sectors baixos en Polonia. Consiguió una gran fama con a publicación d'a suya trilochía sobre a luita polaca frent a las invasions rusas, suecas y turcas d'o sieglo XVII: A sangre y fuego (1884), A inundación (1886), y O sinyor Michael (1888). Son tamién muit remeratas O sinyor Wolodyjowski (1888), Sin dogma (1891), A familia Polanieski (1894) y Os cruzatos (1900).
Tamién son conoixitos os suyos relatos: Dengún ye profeta en a suya tierra (1872), Bocetos a lo carbón (1880); y as suyas novelas curtas Bartek o vencedor (1882), O torrero (1880) y Sachem (1889).
Atra d'as suyas novelas ye O diluvio.
A suya novela más famosa hue en día ye Quo Vadis, levata muitas vegatas a lo cine, en a quala a traviés d'as sufrienzas d'os cristianos mientres o reinato de Nerón fa una critica d'a empremida d'a mesma Polonia.
Vinclos externos[editar | modificar o codigo]
Se veigan as imáchens de Commons sobre Henryk Sienkiewicz.- Museum Oblegorek.
| Predecesor: Frédéric Mistral y José de Echegaray |
Premio Nobel de Literatura 1905 |
Succesor: Giosuè Carducci |