Guillem Nicolau

De Biquipedia
Ir a la navegación Ir a la búsqueda

Guillem Nicolau estió un humanista aragonés que vivió en o sieglo XIV. Estió capellán en a Cort de Pero IV o Ceremonioso y de Chuan I o Cazataire, y aduyant d'a escribanía d'a Cancellería. O 30 de chulio de 1366 estió nombrau aduyant de rechistro en a cort d'a reina. Posteriorment s'establió en Maella, an que yera retor en 1387[1].

Tradució obras d'o latín enta o catalán y de revés. No se conoixen as calendatas y puestos de naiximiento y defunción, pero o suyo nombre amaneix en documentos dende 1366 dica 1390[2].

Guillén Nicolau tradució ta o Rei d'Aragón o Chronicon Siculum u Chronicon Siciliae ta o catalán y as Cròniques d'Aragó, Cròniques dels Reis d'Aragó u Crònica General d'en Pere el Cerimoniós ta o latín [1]. Tamién tradució vinte epistolas d'as Heroidas d'Ovidio, escribindo unas glosas debant de cadaguna a modo d'introducción, que resumiban o suyo argumento. Ista traducción ye encara inedita, pero será publicada luego[2].

O Gubierno d'Aragón dio en a suya honor o nombre Guillem Nicolau a o premio literario en luenga catalana que convoca anyalment (encara que con bellas interrupcions) dende 1986.

Referencias[editar | editar código]

  1. 1,0 1,1 Garrido i Valls, J.-D. La traducció catalana medieval de les Heroides d'Ovidi. Faventia, 24(2). 2002. 37-53.
  2. 2,0 2,1 Quintana, A.. Guillem Nicolau. En Diario de Teruel, sección Lo cresol, 20 d'aviento 2008. [1]