A Guerra Civil Rusa estió un conflicto militar entre 1918 y 1922. Dimpués d'o exito d'a Revolución Rusa o nuevo gubierno bolchevique sinyó lo Tractau de Brest-Litovsk con Alemanya, o 6 de marzo de 1918; por iste tractau s'alcordaba un armisticio unilateral y a salita de Rusia d'a I Guerra Mundial. Ista paz negociata yera la sola opción ta o gubierno revolucionario, ya que o viello exercito ruso, encara que heba estato reorganizato en chinero baixo a nueva denominación d'Exercito Royo, se trobaba en un estato de caos y mancaba la disciplina cuan os alemans abanzoron en febrero de 1918.
