García Remíriz de Chaca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

García Remíriz
Bispe d'Aragón

1^erBispe d'Aragón
1076-1086
Predecesor	Sancho (Sasau)
Succesor	Pero I
Bispe de Pamplona
1077-1082
Predecesor	Blasco II
Succesor	Sancha d'Aragón

Naixencia	c. 1046
Muerte	17 de chulio de 1086 ?
Enterreco	?

García Remíriz (c. 1046 - 17 de chulio de 1086), segundo fillo de Remiro I d'Aragón y Ermisenda de Bigorra, estió bispe d'Aragón (cuan encara no s'heba estableixiu a diocesi en Chaca) dende 1076 y bispe de Pamplona entre 1078 y 1082, cuan le desplazó en o rechimiento d'o bispau pamplonés a suya chirmana, a contesa Sancha d'Aragón, que lo dirichió entre 1082 y 1083.^[1]

Biografía

En 1068 ye citau como infant en un diploma, pero d'istos anyos anteriors a o suyo nombramiento como bispe «d'Aragón», no s'han transmitiu mas datos. En 1076 ye nombrau bispe aragonés antis que a denominación no cambiara ta bispe de Chaca, en estar instaurada a diocesi episcopal aragonesa en a localidat que encara yera una chicota villa, en o marco d'a creyación d'a primera ciudat d'o reino promovida por o rei Sancho Remíriz.

Simultanió o cargo episcopal en Aragón y Pamplona, una cosa que no se correspondeba con o dreito canonico vichent, asinas como o feito d'estar succediu en a encomienda d'a rección d'o bispau de Pamplona por a suya chirmana, a infanta Sancha d'Aragón, vidua d'o conte Ermengol III d'Urchel.

O rei d'Aragón empentó, asinas mesmo, a reforma romana d'a ilesia en Aragón, posiblement a partir d'o suyo compromís con o Papa dimpués d'o viache que Sancho Remíriz fació ta Roma pa declarar-se o suyo vasallo en 1068. A istas reformas s'oposó parti d'o estamento eclesiastico aragonés y pamplonés y o suyo propio chirmán menor, o bispe García Remíriz qui, probablement debiu a istas desavenencias, fue alpartau d'o bispau de Pamplona en 1082, y pasó a estar rechiu por a suya chirmana a contesa Sancha d'Aragón, a tamas d'a suya condición femenina.

Referencias

↑ Seguntes Lapeña Paúl (2004:52) Sancha d'Aragón richió o bispau de Pamplona entre os anyos 1082 y 1083. En un documento de 1082 que se conserva en a seu de Uesca se diz In sede episcopale Iruniensis cometissa domna Sancia in conmendatione. A mesma autora adhibe que «a contesa heba desplazau a qui ocupaba ista dignidat episcopal, o suyo propio chirmán García». En atros documentos apareixe con a expresión de que «rechiba» o bispau; se veiga A. Durán Gudiol, Colección diplomática de la catedral de Huesca, I, Zaragoza, 1965, doc. 46 (1082) y J. Goñi, Historia de los obispos de Pamplona, I, Pamplona, 1979, pachs. 226 y ss, as dos referencias citadas por Lapeña Paúl, 2004, pach. 52 y nota 21.

Bibliografía

(es) Sancho Ramírez, rey de Aragón (¿1064?–1094) y rey de Navarra (1076–1094), Ana Isabel Lapeña Paúl, Xixón, Trea, 2004. Cfr. esp. págs. 45-58. ISBN 84-9704-123-2

Predecesor: Sancho (Sasau)	Bispe d'Aragón 1076-1086	Succesor: Pero I
Predecesor: Blasco II	Bispe de Pamplona 1077-1082	Succesor: Sancha d'Aragón

Datos: Q8963478

[1] Seguntes Lapeña Paúl (2004:52) Sancha d'Aragón richió o bispau de Pamplona entre os anyos 1082 y 1083. En un documento de 1082 que se conserva en a seu de Uesca se diz In sede episcopale Iruniensis cometissa domna Sancia in conmendatione. A mesma autora adhibe que «a contesa heba desplazau a qui ocupaba ista dignidat episcopal, o suyo propio chirmán García». En atros documentos apareixe con a expresión de que «rechiba» o bispau; se veiga A. Durán Gudiol, Colección diplomática de la catedral de Huesca, I, Zaragoza, 1965, doc. 46 (1082) y J. Goñi, Historia de los obispos de Pamplona, I, Pamplona, 1979, pachs. 226 y ss, as dos referencias citadas por Lapeña Paúl, 2004, pach. 52 y nota 21.

[1]