Gallina de Sobrarbe

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A gallina de Sobrarbe, conoixita tamién como gallina del país,^[1] ye una raza de gallina autoctona d'Aragón descrita en l'anyo 1995 en a zona de Sobrarbe. Ye una gallina de tipo mediterraneo, campera y de raza antiga adaptata a una dieta poco equilibrata y a un medio fredo y humedo.

A gallina de Sobrarbe no fue descrita dica l'anyo 1995 con a identificación de grupos d'aus en os lugars de Torrelisa y Oncins en o Pueyo d'Araguás y en A Mula. Ye una gallina de tamanyo medio y o suyo peso oscila dende os 2,5-3 kilos d'os masclos dica os 1,7-2 kilos d'as fembras. Ye utilizata ta a producción de uevos, que son de color crema y con un peso de mas de 55 gramos y una producción anyal de 170 unidats por eixemplar.

Seguntes fotografías antigas de muitos lugars se creye que antigament bi heba por tot o Pireneu de Uesca y os suyos Semontanos. Dende o suyo descubrimiento dica l'actualidat ye en recuperación y bi ha lugars de cría en as comarcas oscenses d'o Perineu, Zaragoza, Semontano, Monegros, Plana de Uesca, Castellón, Catalunya, País Basco y Navarra. En l'actualidat encara ye incluyita en o Catalogo Oficial de Razas de Ganado en o Grupo de Razas Autoctonas en Periglo d'Extinción.^[2]

Referencias

Vinclos externos

Datos: Q65393733

[1] (es) Pachina web de l'Asociación de Criadores de la Gallina del Sobrarbe (AGASOB).

[2] (es) A gallina de Sobrarbe seguntes o Catalogo Oficial de Razas.

[1]

[2]