Gallina de Sobrarbe

De Biquipedia
(Reendrezato dende Gallina d'o Sobrarbe)
Ir a la navegación Ir a la búsqueda

A gallina de Sobrarbe, conoixita tamién como gallina del país,[1] ye una raza de gallina autoctona d'Aragón descrita en l'anyo 1995 en a zona d'o Sobrarbe. Ye una gallina de tipo mediterraneo, campera y de raza antiga adaptata a una dieta poco equilibrata y a un medio fredo y humedo.

A gallina de Sobrarbe no fue descrita dica l'anyo 1995 con a identificación de grupos d'aus en os lugars de Torrelisa y Oncins en o Pueyo d'Araguás y en A Mula. Ye una gallina de tamanyo medio o suyo peso oscila dende os 2,5-3 kilos d'os masclos dica os 1,7-2 kilos d'as fembras. Ye utilizata ta a producción de uevos, os suyos uevos son de color crema con un peso de mas de 55 gramos y una producción anual de 170 unidats por eixemplar.

Seguntes fotografías antigas de muitos lugars se creye que antigament bi heba por tot o Pireneu de Uesca y os suyos Semontanos. Dende o suyo descubrimiento dica l'actualidat ye en recuperación y bi ha lugars de cría en as comarcas oscenses d'o Perineu, Zaragoza, Semontano, Monegros, Plana de Uesca, Castellón, Catalunya, País Vasco y Navarra. En l'actualidat encara ye incluyita en o Catalogo Oficial de Razas de Ganado en o Grupo de Razas Autoctonas en Periglo d'Extinción.[2]

Referencias[editar | editar código]

Vinclos externos[editar | editar código]