Galdrufa

A galdrufa^[1]^[2]^[3] ye un chuguet con un cuerpo cilindrico u cuadrau y con una punta esmolada en a parte inferior, disenyau pa chirar sobre o suyo eixe vertical, bandiando-se sobre ixa punta a causa de l'efecto chiroscopico.

Una vegada que se mete en movimiento, una galdrufa cheneralment se cantonia entre bels segundos, chira en posición vertical entre un tiempo, dimpués prencipia a bandoliar-se nuevament con una amplitut creixent a medida que pierde enerchía (momento angular) y finalment se vulca y rueda de costau.

As galdrufas existen en muitas variacions y materials, prencipalment fusta, metal y plastico, a ormino con una punta de metal. Se pueden meter en movimiento chirando con os didos u tirando d'una cuerda enrollada arredol d'o suyo cuerpo.