Francesco Geminiani

De Biquipedia
Gtk-find-and-replace.svg Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Francesco Geminiani
Francesco Geminiani, atribuyiu a Andrea Soldi
Francesco Geminiani, atribuyiu a Andrea Soldi
Información personal
Nombre
Embotada
Naixió 5 d'aviento de 1687
Murió 17 de setiembre de 1762
Información musical
Orichen escudo de Lucca Lucca
Estilo Barroco
Ocupancia Compositor
Instrumentos Vriolín
Tiempo 1687 - 1762
Discograficas
Relacionau con Alessandro Scarlatti
Pachina web

Francesco Geminiani (Lucca, prov. Toscana (Italia), 5 d'aviento de 1687 - Dublín (Irlanda), estió un músico i compositor italián d'o Barroco.

Este compositor, posiblement alumno de Corelli, establió la pauta d'a mosica instrumental que se produciría en Inglaterra dica finals d'o Barroco.

Biografia[editar | modificar o codigo]

Dimpués d'a muerte de Henry Purcell a zaguers d'o sieglo XVII, Inglaterra se quedó sin figuras destacables en o campo musical, y estioron compositors extranchers los que a lo largo de tot lo sieglo XVIII marcoron en este país lo gusto y la evolución en os suyos diversos aspectos: Bononcini en a opera, Händel en a mosica relichiosa, y Sammartini y especialment Francesco Geminiani en a mosica instrumental.

Francesco yera fillo d'un violinista d'a capiella palatina local. Luego pasó a Milán pa ixamplar los suyos estudios con Lonati, Il gobbo (<O cheposo>). En Lucca exerció dimpués como violinista en a Capiella d'a Signoria. En 1711 marchó com primer vriolín a Napols, an dentró en contacto con A. Scarlatti. S'ha dito que antes de pasar a esta ciudat talment estudió en Roma con Corelli, pero no existe evidencia d'ixo. En qualsiquier caso lo cierto ye que Geminiani, más que Händel, estió l'encargau de transmitir en Europa—y especialment en Inglaterra—lo gusto por lo estilo coreliano.

Poco dimpués d'a suya plegada a Londres en 1714, Geminiani publicó, en 1716, a suya Op. 1: una colección de Sonatas pa Violín y contino aproveitando el exito que desfrutaba lo Op. 5 de Corelli. Atros sucesos dignos de mención d'a suya vida londinense son lo suyo nombramiento como director d'a Philo Musicae et Architecturae Societas Apollinis, una especie d'hermandad artistica masónica, y lo suyo engarcholamiento por deudas de negocios, resuelto gracias a la intercesión d'o conde d'Essex.

En 1731 amaneixió a que habria d'estar la suya obra teorica más importánt y trascendental The Art of playing the violin; y en 1732 la primera serie de Concerti grossi, en la quala sigue la tradición seria y contrapuntística de Corelli, fueras de que por lo que fa a la distribución d'os instruments entre ripieno (farciu, mas orquestal) y concertino (chicot grupo de solistas). En cuenta d'o trío de solistas clasico d'as obras de Corelli, Geminiani prefiere un quarteto, i s'integra la viola dentro d'o concertino, excluyendola d'o ripieno.

A l'anyo siguién d'esta publicación, Geminiani se tresladó a Dublín en chira de conciertos. Lo 1740 pasó por París, y tornó finalment a Londres a 1741. Entre 1749 y 1755 actuó como concertista a París, an veyió asinasmesmo representau 1754 lo suyo ballet A fôret echantée. Entremistanto habia publicau ya a mayoria d'as suyas Opus: dos coleccions de Sonatas pa Vigulín, Op.4 (1739) y Op. 5 (1746), asinas como los Concerti grossi (1743). Totas las suyas obras posteriors (Sonatas en Trío, Sonatas pa Violoncelo y pa teclau) no son más que arreglos u reelaboraciones d'as suyas obras anteriors, de forma pareixida a los Concerti grossi que fació a partir de Sonatas pa Vriolín y Sonatas en Trío de Corelli, sirviendose de l'exito d'as suyas composicions orichinals.

Con este esprito comercial de Geminiani se relaciona la gran cantidat d'obras teoricas y de divulgación pa aficionaus que d'ell se conservan. Atras obras didacticas suyas son Rules for playing in taste on the Violin, German Flute, Violoncello and Harpsichord (1739), Guida Harmonica (1742), A Treaise of good taste in the Art of Music (1747), The Art of Accompaniament(1755) y The Harmonical Miscellany (1755). Totas ellas son de gran valor pa conoixer lo gusto musical de meyaus d'o sieglo XVIII.

En 1759 Geminiani tornó a Dublín pa visitar a lo suyo discipulo Matthew Dubourg, mayestro de capiella en a capital irlandesa, y allí murió lo dia 17 de setiembre de 1762.

Estilo[editar | modificar o codigo]

Lo estilo de Geminiani ya yera academico en a suya epoca, y por ell la estetica corelliana arraigó en la conservadera Inglaterra dica lo punto de suposar un lastre que fació retardar a dentrada d'o Clasicismo en este país respective a la resta d'Europa. Pero lo mérito indiscutible de Geminiani reside, talment, en haber divulgado la tecnica violinística italiana a traviés d'os suyos alumnos y d'os suyos escritos teoricos, que aprofitoron por igual los tradicionalistas y los renovadors.

Cronologia[editar | modificar o codigo]

  • 1687 Naixe en Lucca lo 5 d'aviento
  • 1706 Intensa actividat como violinísta y director d'a orquesta d'o Teatro de Lucca dica 1710.
  • 1711 Primer vrigulín y director en o Teatro d'a Opera de Nápoles dica 1714.
  • 1714 S'estableix en Inglaterra.
  • 1733 Vive en Dublín dica 1740
  • 1749 Sigue con o suyo costumbre de cambiar de residencia, instalandose en París dica 1755.
  • 1754 Amonta con gran exito, en as Tullerias, a suya pieza fantàstica A Forêt enchantèe.
  • 1759 Torna de nuevo a Londres.
  • 1760 Ye nombrau director d'a orquesta d'o conde Charles Coote.
  • 1760 Fixa la suya residencia definitivament en Dublín.
  • 1762 Muere en Dublín o 17 de setiembre.

Referencias[editar | modificar o codigo]