Forau d'Aiguallut

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Forau d'Aiguallut^[1]^[2] ye un sistema karstico en o curso alto d'o río Esera a bels 2.074 metros de altaria y a mán d'o pico d'Aneto, en que iste río desapareixe baixo tierra una meya de 155 días a l'anyo. As auguas tornan a apareixer a 3,6 km de distancia en linia recta, a bels 1.658 m d'altaria, en os clamatos Uells de Joeu ("Uellos de Chupiter" en gascón), en l'Artiga de Lin (Val d'Arán), rematando en a Garona y por tanto a l'Oceano Atlantico y no pas a la Mar Mediterrania como si que fan as auguas no infiltratas de l'Esera.

Esta infiltración d'auguas d'a vesant sud enta la vesant norte se troba en atros puestos d'os Pireneus como l'alta val de Roncal y as partes altas d'a val de Barrabés y Pallars Sobirán y suposan un fenomeno de progresiva captura fluvial influenciata por fenomenos karsticos.

Referencias

Datos: Q1397638
Multimedia: Aigualluts / Q1397638

[1] (es) Forau d'Aiguallut www.benasque.com

[2] (es) BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.

[1]

[2]