Filo (biolochía)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
En zoolochía, o filo, tamién dito phylum (en plural «phyla») tipo morfolochico u tipo organizador, ye una categoría taxonomica fincada d'entre lo reino y la clase. S'emplega exclusivament en a división d'os reinos Animalia y Protista. En botanica (reinos Plantae y Fungi) s'emplega lo termin división per cuentas de filo. Os dos termins son equivalents, anque l'uso de lo un y l'altro se ye fixato per tradición en cada ciencia.
O filo ye la subdivisión prencipal d'o reino animal y gosa referir-se a un grupo d'animals que tienen esencialment un mesmo plan cheneral d'organización corporal. Asinas, os caragols, limacos u calamars pueden ser cuaternaus a dintro d'o mesmo filo (Mollusca) perque toz ellos tienen o mesmo plan basico d'organización.
Anque existen cuasi 40 filos, a mes gran d'as mayorías d'entre os animals no s'escayen si que en un d'os 9 prencipals: Arthropoda, Mollusca, Porifera, Cnidaria, Plathelmyntes, Nematoda, Annelida, Echinoderma y Chordata. De feito, mes d'o 80% d'as especies animals son inclusas só que en o filo Arthropoda. Diversos filos continen de raso d'entre una y bels (poquez) centenars d'especies, y son practicament esconeixitos ta lo gran publico.
Nivels d'organización
[editar | modificar o codigo]Igual que pasa con altras categorías taxonomicas d'os sers vivos, perque que bi ha una necesidat de clasifica-los con a maxima fidelidat en a suya filochenia, mutos filos s'agrupan en superfilos y dimpués os taxons inferiors se pueden veyer agrupados en subfilos.
Nivels de clasificación, de mes cheneral enta mes concreto.
| Nivels de clasificación |  Eixemplo
|
|---|---|
| Reino | Animalia |
| Infrarreino | |
| Superfilo | |
| Filo | Arthropoda |
| Subfilo Infrafilo |
Chelicerata |
| Superclase | |
| Clase | Arachnida |
Se veiga tamién
[editar | modificar o codigo]- Clasificación cientifica
- Sistema de nomenclatura binominal
- División (biolochía)
- Reino (biolochía)
- Clase (biolochía)
- Orden (biolochía)
Datos: Q38348