Ferrando de Magallans

De Biquipedia
Articlo d'os 1000
Ferrando de Magallans
Ferdinand Magellan.jpg
Información personal
Calendata de naixencia 1480
Puesto de naixencia PortugueseFlag1385.svg Porto (Reino de Portugal hue Portugal)
Calendata de muerte 27 d'abril de 1521
Puesto de muerte Flag of the Philippines.svg Mactán (hue Filipinas)
Ocupación Explorador y marinero.
Sinyal Magellan Signature.svg

Ferrando de Magallans (en portugués Fernão de Magalhães) naixiu de Porto lo 1480 y muerto en Mactán, hue Filipinas, o 27 d'abril de 1521, estió un navegant portugués conoixiu por estar o primer en trescruzar o estreito de Magallans y fer parte d'a expedición que fació a primera vuelta a lo mundo la expedición de Magallans-Elcano.

Vivió los suyos primers anyos en a cort de Portugal, pero lo suyo afán d'aventuras li fació embarcar-se ta l'Orient Estrimero, an as factorías portuguesas teneban una época d'esplendor en as suyas relacions con os territorios que actualment forman Malaisia, Indonesia y as Filipinas.

O 20 de setiembre de 1519 marchó dende o puerto de Sanlúcar de Barrameda en Cádiz ta dar a vuelta a lo mundo. En 1520 estió lo primer navegant que trescruzo lo estreito que dende allora levó lo suyo nombre, o estreito de Magallans, a lo sud d'a Tierra d'o Fuego. Tamién baptizó a l'ocián Pacifico con ixe nombre debito a que yera muito mas quedo que l'anterior ocián por qualo heban navegato, l'Atlantico.

Magallans nunca no tornó ta Espanya, por o que no fació a vuelta a lo mundo. Morió en Filipinas en a Batalla de Mactán, luitando con una tribu de nativos comandaus por lo Datu Lapulapu. Dende ixe inte Juan Sebastián Elcano prenió lo mando d'a expedición y tornó ta Espanya atra vegada, estando lo primer hombre en fer una vuelta a lo mundo.

Vuelta a lo mundo feita por Magallans.

Vinclos externos[editar | modificar o codigo]