Felipe VI d'Espanya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Felipe VI d'Espanya
Rei d'Espanya
O rei Felipe VI en 2018
Rei d'Espanya
19 de chunio de 2014 - hue
Predecesor	Chuan-Carlos I

Coronación	19 de chunio de 2014
Nombre real	Felipe-Chuan-Pavlo-Alifonso de Toz os Santos de Borbón y Grecia
Naixencia	30 de chinero de 1968 Madrit, Espanya
Hereu	Alionor, princesa d'Asturias
Consort	Letizia Ortiz Rocasolano
Descendencia	Infanta Alionor Infanta Sofía
Casa reyal	Casa de Borbón
Pai	Chuan-Carlos I
Mai	Sofía de Grecia


Sinyal

Felipe VI de Borbón y Grecia (Madrit, Espanya, 30 de chinero de 1968), naixito Felipe-Chuan Pavlo-Alifonso de Toz os Santos de Borbón y Grecia (Felipe Juan Pablo Alfonso de Todos los Santos de Borbón y Grecia en castellano), ye o rei d'Espanya dende o 19 de chunio de 2014. Ye o tercer fillo d'os Reis Chuan Carlos I d'Espanya y Sofia de Grecia.

Ye licenciato en Dreito por a Universidat Autonoma de Madrit (1993) y máster en Relacions Internacionals por o Edmund Walsh School of Foreign Service d'a Universitat de Georgetown (1995). Ha recibito formación militar en l'Academia Cheneral Militar de Zaragoza,a Escuela Naval Militar de Marín y l'Academia Cheneral de l'Aire de San Javier.

Estió miembro de l'equipo olimpico de vela espanyol en os Chuegos Olimpicos de Barcelona 1992, desfilando como abanderato d'a selección espanyola en a suya devantadera.

O 22 de mayo de 2004 se casó con a periodista asturiana Letizia Ortiz Rocasolano, con la que ha tenito dos fillas: o 31 d'octubre de 2005 a Infanta Alionor y o 29 d'abril de 2007 a Infanta Sofia.

En naixer teneba a dignitat d'Infante d'Espanya y dende 12 d'octubre de 1977 o títol de Prencipe d'Asturias, con o tractamiento d'Alteza Reyal. Dende o 21 d'abril de 1990 estió tamién Prencipe de Chirona, estando o primer Borbón en fer servir iste títol. Tamién tenió o títol de Prencipe de Viana y atros títols propios d'os primochenitos d'os reinos hispanicos. O 30 de chinero de 1986, en fer deciueito anyos, churó fidelidat a la Constitución y a o Rei, debant d'as Corz Chenerals.

O 2 de chunio de 2014 su pai, Chuan-Carlos I, anunció a suya abdicación. O 19 de chunio lo succedió Felipe de Borbón, tras a Lei Organica 3/2014, de 18 de chunio^[1]. O suyo nombre reyal oficial (que sigue a numeración propia d'a Corona de Castiella) ye Felipe VI, anque seguntes a numeración de l'antiga Corona d'Aragón le correspondería o de Felipe V d'Aragón.