Feleguera Niedo d'Ave

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Phyllitis scolopendrium, una especie d'aspleniacia que puet estar relicta en Europa, pus a suya presencia se remonta a d'antes d'as glaciacions.

Niedo d'Ave ye una denominación popular que s'emplega, sobre tot en chardinería, ta referir-se a cualques especies de Pteridophyta polipodiales (felegueras u felequeras) de fuellas grans, enteras y amplas, que en l'actualidat son mayoritariament propias d'ecosistemas tropicals.

Anque no se tracta d'una denominación botanica, o suyo uso en chardinería ye tan común y a suya distribución comercial tan important que ha rematau aglutinando a diferents especies d'aspecto parellano.

A mayoría de felegueras que se conoix popularment como Niedos d'Ave fan parte d'a familia Aspleniaceae (aspleniacias), y en chardinería s'importa especialment Asplenium nidus (orichinaria d'Oceanía). Manimenos, a denominación puede trobar-se, en guías de naturaleza y atras obras parellanas, aplicada a cualsiquier feleguera de caracteristicas semellants, como as que eventualment se puede trobar en latituz subtropicals y temperadas d'Eurasia como especies relictas.

Se veiga tamién

• Pteridophyta
• Feleguera
• Flequera (lat. <*FILICARIA)