Esvinzadura

Advertencia: Biquipedia no ye un consultorio medico.

Si creye que aprecisa d'aduya, por favor consulte con un profesional d'a salut.

Diagrama d'una esvinzadura inguinal indirecta d'escroto (vista meya dende a ezquierda).

Una esvinzadura ye a protrusión de qualsiquier organo u teixiu difuera d'a cavidat d'o cuerpo en que ye alochau normalment. As esvinzaduras mas comunas se desembolican en l'abdomen, quan una debilidat d'a paret abdominal chenera un vueito, a traviés d'o que se produz una protrusión d'o peritoneo parietal. Tot y que as esvinzaduras mas conoixidas en medecina son as relacionadas con a cavidat abdominal, existen tamién esvinzaduras en puestos diferents como a esvinzadura discal y a esvinzadura cerebral.

Etiolochía

• Conchenitas: por trastornos d'o desembolique.
• Adquiridas: por factors como que obesidat, repretamiento, esfuerzo fisico que aumenta a presión intraabdominal. .

Diagrama d'una esvinzadura d'hiato (Sección lateral, vista dende o frent).

• Traumaticas: por factors traumaticos. Por eixemplo, en os cans ye freqüent que quan son atropellaus, o diafragma siga danyau parcialment u total, debant d'o que as fecegadas intestinals pueden pasar enta a cavidat toracica.

Quadro clinico

• Tumoración tova que aumenta con a tos, esfuerzos y bipedestación, y que disminuye en decubito y reposo.
• Dolor, que ye mayor quan se ye formando a evachinación.
• Trastorno d'o transito intestinal: dificultat d'expulsión de gases y fecegadas. O grau va dende un simple repretamiento dica una obstrucción total d'o transito intestinal.

Clasificación

• Seguntes etiolochía:
  • Esvinzadura conchenita
  • Esvinzadura adquirida
• Seguntes a suya morfolochía:
  • Esvinzadura eslizada: o suyo conteniu (o meso u a viscera) fan parte d'a paret d'o saco.
• Seguntes localización:
  • Esvinzadura de regato esofagico
  • Esvinzadura d'hiato
  • Esvinzadura inguinal
  • Esvinzadura crural
  • Esvinzadura umbilical
  • Esvinzadura epigastrica
  • Esvinzadura lumbar
  • Esvinzadura discal
  • Esvinzadura cerebral
  • Esvinzadura paraestomal
• Seguntes o suyo tractamiento cirurchico:
  • Esvinzadura reductible u simpla
  • Esvinzadura irreductible u incarcerada: no se puet reducir, o que no implica compromiso vascular.
• Seguntes evolución:
  • Esvinzadura no complicada
  • Esvinzadura complicada u estrangullada: tiene compromiso vascular, ye decir, no recibe sangre en comprimir os vasos que a irrigan. Reducir una esvinzadura estrangullada ye contraindicau.
• Seguntes o conteniu d'o saco herniario:
  • Esvinzadura de Richter: contiene solament parte d'a paret d'o bodiello, normalment o canto antimesenterico. Gosa estrangullar-se.
  • Esvinzadura de Littré: a que contiene un diverticulo de Meckel
  • Esvinzadura d'Amyand: a que contiene l'apendiz cecal con apendicitis u no.

Tractamiento

Consiste en una intervención cirurchica para privar que s'embolique y s'estrangulle, seguida de rehabilitación y consumo de medecinas indicau por o doctor. Ista recibe o nombre d'hernioplastia.

Se veiga tamién

• Esvinzadura discal
• Esvinzadura inguinal
• Esvinzadura umbilical
• Esvinzadura d'hiato
• Esvinzadura estrangullada
• Esvinzadura cerebral
• Diastasis de rectos
• Esvinzadura paraestomal
• Esvinzadura de Garengeot

Vinclos externos

• Se veigan as imachens de Commons sobre as esvinzaduras.
• (en) Recursos sobre esvinzaduras [1]
• (en) Os sintomas d'a esvinzadura