Estribor

De Biquipedia
Ir a la navegación Ir a la búsqueda
PrPpBrEr.PNG

Estribor, en un barco y en qualsiquier medio de transporte en l'augua, ye o costato dreito en o sentito d'a marcha u, mas exactament, o costato dreito mirando enta prova (a parti debantera d'o barco). O costato cucho se diz babor.

O motivo de que en os barcos se le den a os dos costatos nombres diferents a dreita y cucha ye ta evitar confusions, ya que os tripulants pueden mover-se libremente entabán y entazaga, y o tripulant que mira entazaga parlará d'a dreita refirindo-se, en realidat, a la cucha, y viceversa. En clamar-se os costatos d'a traza antis descrita no bi ha garra confusión posible.

Etimolochía[editar | editar código]

Vista d'o costato d'estribor d'o supercrucero "Freedom of the seas".

A parola estribor procede d'o nordico antigo (o idioma d'os vikingos): stýri = timón, borða = plancha de fusta; "borda d'o timón". En as antigas barcas de remo no existiban encara os timons fixos en a parte central posterior, por o que o timonel emplegaba un remo con una pala especialment gran ta dirichir a embarcación. Isto lo feba fundindo o remo en l'augua por o costato dreito d'a barca, d'astí que se decise a dreita "o costato d'o timón".

Existe un atra versión mas antiga de l'orichen que parla de que os primers navegants d'o mundo, os fenicios (basicament os canaaneus biblicos), quan saliban dende as costas de l'orient proximo (d'os actuals Líban y Israel) a explorar a Mediterrania meteban en a "borda d'a estrela" a estrela polar ("Starboard" encara en anglés y en atros idiomas) y quan deseyaban tornar a casa la meteban en a borda oposata, babor (que en anglés, así como en muitos atros idiomas, encara se diz "Port", "puerto").

Senyalización[editar | editar código]

Un grafico con dos barcos y sus correspondientes senyalizacions de babor y estribor, y as preferencias de paso

A senyalización d'estribor ye a color verde y la de babor roya. Durante el día se ven unas placas con estos colores en ambos lados y de noche se encienden las correspondientes luces. Mientres d'o día se veyen unas placas con istas colors en os dos costatos y de nueit se enchegan as correspondientes luces. D'ista traza, un barco que se troba a cierta distancia d'un atro barco puet reconoixer facilment si iste s'amana u si s'aleixa.

Totz os obchectos que han de numerar-se abordo, si son en o costato d'estribor, levan numers impars (eixemplo: extintors d'incendio, salitas d'emerchencia, etc.)