Estreleira

De Biquipedia
Ir a la navegación Ir a la búsqueda
Estreleira
Bandera de{{{nombre}}}
Uso
Proporción 2:3
Colors

   Blanco

   Azul celeste

   Royo

A estreleira (tamién conoixida como Bandeira da Pátria) ye a bandera que representa as corrientes de cuchas d'o nacionalismo gallego.

A modalidat d'a bandera de Galicia con una estrela roya en o centro la fa servir a mayor parti d'o nacionalismo y independentismo gallego de cuchas. A estrela roya l'adhibioron por militants comunistas d'a Unión do Povo Galego (UPG) en os anyos 1960, remerando a la "estrela solitaria" d'a bandera de Cuba, adoptada dimpués d'independizar-se d'Espanya, encara que a estrela cubana ye blanca, y no roya.

A primera vegada que se mete una estrela en o centro d'a bandera gallega ye en un disenyo de Castelao previo a la Guerra Civil Espanyola. En ista bandera a estrela no yera roya, sino blanca u de color archent. Decadas mas tardi fue sustituida por a estrela roya.

Seguntes investigadors d'una fundación amanada a CCOO y o Partiu Comunista de Galicia (PCG), ista bandera fue emplegada en primeras por militants d'a sección guerrillera d'o Partiu Comunista d'Espanya (PCE) en Galicia, en os anyos 1940, estando chefe de la guerrilla Antonio Seoane y secretario d'o PCE en Galicia (o PCG no se creyaría como tal dica dos decadas dimpués) José Gómez Gayoso, mientres que os nacionalistas feban servir dende a creyación d'o Partiu Galeguista (PG) una bandera gallega con una estrela amariella en o centro.

Hue se fa servir como simbolo mas que mas d'a esfensa d'o independentismo, encara que organizacions no explicitament independentistas como o Bloque Nacionalista Galego (BNG) tamién la emplegan. Totz os partius nacionalistas gallegos de cuchas utilizan ista bandera. Ye emplegada en as manifestacions populares de forma reivindicativa. Tamién se fa servir en as movilizacions d'os sendicatos CIG y CUT.

O suyo disenyo ye o mesmo que o d'a bandera gallega oficial, con a estrela roya que ha de quedar siempre en o centro, aliniada con a francha azul.

Referencias[editar | editar código]