Estauracio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estauracio
Emperador de l'Imperio Bizantín
Solido bizantín, Niceforo I y Estauracio
Emperador de l'Imperio Bizantín
26 de chulio de 811 - 2 d'octubre de 811
Predecesor	Niceforo I
Succesor	Miguel I Rangabé
Muerte	11 de chinero de 812
Dinastía	Dinastía focida
Pai	Niceforo I

Estauracio estió emperador de l'Imperio Bizantín dende o 26 de chulio de 811 dica o 2 d'octubre de 811. Morió l'11 de chinero de 812. En o "Libro d'os Emperadors" parlan d'Estauracio a la fin d'o capítol dedicato a lo suyo padre Niceforo I y titulan un capítol con o suyo nombre "Aquí conta del emperador Estavrachio, fillo de Nicoforo", pero no i parlan d'Estauracio que a lo prencipio y parlan mes de Miguel Rangabé.

Estauracio yera o solo fillo masclo de Niceforo I, y lo coronó como co-emperador en aviento de l'anyo 803, dimpués d'esclafar a revuelta de Bardanes Tourkos, gobernador d'o thema de Natoliu.

El emperador, queriendo dar muller a su fillo Astaurachio, envió a Athonis e fizo venir una parienta de la emperadriç Ereni que le dizían Theofanó, la cual era ya firmada con un otro, e separola de aquel e diola a su fillo contra razón. Aquesti emperador era compuesto de todo mal, e jamás no fazía sino justar un mal sobre otro a destrucción de los suyos súbditos, por manera que non trobarán ninguna honor que ficiés en su tempo, segunt verán en su historia.

En l'anyo 806 dimpués d'a invasión abasí dirichita por Harún al-Raixid, Niceforo demandó a paz y la consiguió con a condición de pagar un tributo añal de 30.000 solidos bizantins y d'un rescate personal por él y por o suyo fillo.

Participó en a invasión bizantina de Bulgaria en l'anyo 811 con o suyo padre (que morió en a zaguera batalla), y fue ferito:

E encara fue ferido Estavrachio, su fillo, en la espalda dreita. Muitos capitanes gentiles e grandes senyores fueron muertos aquella ora e pueblo infinito, e fue pressa e robada la tienda imperial con grandes riquezas e semblantment todo el alojament de los griegos; de que los búrgaros havieron grandes riquezas e armas e cavallos, que apenas pudo escampar Estavrachio, fillo del emperador, con algunos pocos, por la escuredat de la nuit, no seyendo visto de los enemigos.

Fuyió y arribó en Costantinoble, on fue esleito emperador:

Segunt que desuso havemos dito, Estavrachio, fillo del emperador Nicoforo, escapado a grant pena de la esconfita e destrucción desús dita e ruido en la ciudat de Andrianoplin, por diligencia de algunos senyores e nobles de la dita ciudat, le fue dada la fama imperial. Aprés vino a Contastinoble seyendo muito agravado del colpe que huvo en la esconfita,

Pero dimpués fue esleito emperador Miguel Rangabé:

mas encara con todo, encara forçava de fer morir su cunyado, marido de Procopía, su ermana, el cual dizían Micali Ranthaue (*Rancavé ) a intención que, fendo morir aquel, delexaría el imperio a su muller. La cual cosa sentida, los varones del consello ficieron plegar todos los que romanieron de la esconfita que avant ne fue fara mención, e todos a una voç daron la fama imperial al dito Micali Rancavé que él tractava fer morir. E aquesto feito, en continent Estavrachio por miedo se filo calogero.

E a la muller de Estavrachio fízole fer un monesterio e diole las cosas necessarias. E allí fizo soterrar Estavrachio, su marido, cuando passó de aquesta vida por el colp que havía de la batalla. E por aquel clamó al monesterio Estavrachio; mas aprés por los idiotas se es clamado Tavracá. Aprés, por algunos que non sabían la razón, clamáronlo Taheutachia (*Tabevraicá).

Predecesor: Niceforo I

Emperador de l'Imperio Bizantín 811-811

Succesor: Miguel I Rangabé

• Datos: Q237587
• Multimedia: Stauracius / Q237587