Aphididae

Polecón
Cuca de polecón
Clasificación scientifica
Dominio: Eukaryota Reino: Animalia Filo: Arthropoda Clase: Insecta Orden: Hemiptera Suborden: Sternorryncha Superfamilia: Aphidoidea Familia: Aphididae
Sozfamilias
Se beiga testo.

Os afididos u afidos (en nomenclatura zentifica en latín Aphididae u Aphidae) son una familia d'insectos hemipteros ectoparasitos de plantas, con un numer encara indeterminato d'espezies encabitas en cuatorze sozfamilias. En aragonés, gosa clamar-sen polecón u polegón en conchunto á la poblazión d'estes en ixambre que ye como se's sole trobar en una planta. O indibiduo se designa como «cuca de polecón/gón».

As cucas d'o polecón gosan fer una mida muit chicota, d'1 u 2 mm, con colors dibersas. Be n'ha de grisas, negras, berdes u dica amariellas. O cuerpo el tienen simple, oboidal, sin que se i pueda deseparar a capeza, tórax u abdomen. Cualques espezies de plantas impiden que se i meta lo polecón fendo néctar de bels nectarios estraflorals, con a intenzión de probeyer á las fornigas con él e que ellas les en guarden limpias. Altras espezies de polecón, en cambio, fan un produeito dulz per l'abdomen que b'atrai as fornigas e son os himenopteros los quins les guardan d'os depredadors. Be ha depredadors espezializatos en o consumo de polecón, como as cuquetas de dios u as crisopas.

Sozfamilias

• Aphidinae
  
• Battichaitophorinae
  
• Chaitophorinae
  
• Drepanosiphinae
  
• Greenideinae
  
• Hormaphidinae
  
• Lachninae
  
• Lizeriinae
  
• Myzocallidinae
  
• Neophyllaphidinae
  
• Pemphiginae
  
• Phyllaphidinae
  
• Saltusaphidinae
  
• Taiwanaphidinae
  

• 
  Detalle d'una cuca de polecón.
• 
  Cucas adultas e chobens.
• 
  Fornigas muyindo lo polecón.
• Fembra con alas
  Fembra con alas
• 
  Polecón en una branqueta.
• 
  Parasitando os cocullos d'un baladre (Nerium oleander).
• 
  Dos cucas de Dysaphis spp.
• 
  Empestando una fuella de baladre.

Enrastres esternos

• Se veigan as imáchens de Commons sobre afididos.