Premios Princesa d'Asturias

Os Premios Princesa d'Asturias (clamatos Premios Prencipe d'Asturias dica 2014) ye un conchunto de premios que s'atorgan cada anyada a presonas e institucions destacatas por a suya faina cientifica, tecnica, cultural, social y humana; y a suya importancia ye especial en o mundo hispanofono.

Os premios estieron establitos en 1981 por a Fundación Princesa de Asturias (allora clamata Fundación Príncipe de Asturias); y a ceremonia d'entrega d'os premios se celebra anualment en o mes d'otubre en o Teatro Campoamor d'a ciudat d'Oviedo (Asturias, Espanya).

Categorías

Os Premios Princesa d'Asturias tién ueito categorías:

Premio Princesa d'Asturias de Comunicación y Humanidatz

Dende 1981, concedito a "a presona, institución, colla de presonas o d'institucions quala faina creyadora o d'investigación represente una aportación relevant t'a cultura universal en ixas disciplinas".

Premio Princesa d'Asturias de Sciencias Socials

Dende 1981, concedito a "a presona, institución, colla de presonas o d'institucions quala faina creyadora o d'investigación en as disciplinas d'Antropolochía, Dreito, Economía, Filosofía, Cheografía, Historia, Psicolochía, Sociolochía y altras Sciencias Socials represente una aportación relevant a o suyo desembolique en o beneficio d'a Humanidat".

Premio Princesa d'Asturias d'as Artes

Dende 1981, concedito a "a presona, institución, colla de presonas o d'institucions quala faina en l'Arquitectura, Cinematografía, Danza, Escultura, Musica, Pintura y altras expresions artisticas, represente una aportación relevant a o patrimonio cultural d'a Humanidat".

Premio Princesa d'Asturias d'as Letras

Dende 1981, concedito a "a presona, institución, colla de presonas o d'institucions quala faina creyadora o d'investigación represente una aportación relevant t'a cultura universal en Literatura o Lingüistica".

Premio Princesa d'Asturias de Investigación Scientifica y Tecnica

Dende 1981, concedito a "a presona, institución, colla de presonas o d'institucions qualos descubrimientos o faina d'investigación representen una aportación relevant t'a o progreso d'a Humanidat en as disciplinas d'as Matematicas, Fisica, Quimica, Biolochía, Medecina, Sciencias Ambientals, d'a Tierra y d'o Espacio asinas como tecnicas y tecnolochías relacionatas con ellas".

Premio Princesa d'Asturias de Cooperación Internacional

Dende 1981, concedito a "a presona, institución, colla de presonas o d'institucions quala faina contribuye de forma eixemplar y relevant a o mutuo conoiximiento, a o progreso y a fraternidat entre os pueblos".

Premio Princesa d'Asturias d'a Concordia

Dende 1986, concedito a "a presona, institución, colla de presonas o d'institucions quala faina contribuye de forma eixemplar y relevant a o entendimiento y a convivencia en paz entre os hombres, a la luita contra as inchusticias, a pobreza, a malautía, a ignorancia, o a esfensa d'a libertat, o ubriendo nuevos horizonts a o conoximiento y destacando en a en conservación y protección d'o patrimonio d'a Humanidat".

Premio Princesa d'Asturias d'os Esportes

Dende 1987, concedito a "a presona, institución, colla de presonas o d'institucions que, a mas a mas d'a exemplaridat d'a suya vida y obra, fer conseguito nuevas metas en a luita d'o hombre por l'autosuperación".

Veyer tamién

• Premio Princesa d'Asturias de Comunicación y Humanidatz
• Premio Princesa d'Asturias de Sciencias Socials
• Premio Princesa d'Asturias d'as Artes
• Premio Princesa d'Asturias d'as Letras
• Premio Princesa d'Asturias de Investigación Scientifica y Tecnica
• Premio Princesa d'Asturias de Cooperación Internacional
• Premio Princesa d'Asturias d'a Concordia
• Premio Princesa d'Asturias d'os Esportes

Vinclos externos

• (es) Fundación Princesa de Asturias
• (es) Premios Princesa de Asturias
• Se veigan as imáchens de Commons sobre os Premios Princesa d'Asturias.