Bandera d'Hongría

Bandera d'Hongría

Uso ... Proporción 1:2 Adopción 1849 Colors    Royo    Blanco    Verde

A bandera d'Hongría (en hongaro Magyarország zászlaja) ye dividita en tres faixas horizontals d'a mesma amplaria, de color royo, blanco y verde. En bells casos en a bandera tamién apareixe o escudo d'Hongría.

Dende tiempos d'o rei Sant Isteban (1001-1038) apareixen representacions d'os monarcas hongaros portiando emblemas con a cruz patriarcal y as faixas royas y blancas que forman o escudo d'Hongría. Se decumenta por primera vegata l'uso d'as actuals colors nacionals d'a bandera en un cordón de sello mientres o reinato de Matias, en 1618.

Mientres a Revolución y Guerra d'Independencia hongara de 1848-1849 contra o Imperio d'os Habsburgo, se declaró a la bandera roya-blanca-verde como simbolo nacional d'Hongría. A bandera tricolor d'a Revolución Francesa tenió una gran enfluyencia sobre o disenyo d'a bandera hongara.

En a bandera figuró o escudo d'Hongría con a corona de Sant Isteban dica 1949, anyo en que fue sustituyito por o escudo d'a Republica Popular. O escudo tradicional fue recuperato en 1990, pero dende alavez bi ha indefinición legal sobre a inclusión u ausencia d'o mesmo en a bandera.

Atras banderas

• 
  Bandera d'o Estato. Proporcions 1:2.
• 
  Bandera de guerra. Proporcions 3:4.
• 
  Bandera civil.
• 
  Bandera naval.

Banderas historicas

• 
  Bandera con o escudo adornato con ánchels (1867-1918).
• 
  Bandera de 1918 a 1919.
• 
  Bandera d'a Republica Sovietica Hongara en 1919.
• 
  Bandera con o escudo tradicional d'Hongría (1919-1946). Desde 1990 se fa servir como bandera d'o Estato.
• 
  Bandera de 1946 a 1949.
• 
  Bandera de 1949 a 1956.
• 
  Bandera d'a Revolución hongara de 1956.
• 
  Bandera no oficial entre 1957 y 1989.