Salina

Iste articlo trata sobre as salinas que son puestos en os que se i espleita la sal. Ta altros emplegos se veiga Salinas (desambigación).

Saleras d'o Laco Rosa (Senegal).

Antiga Salina de la Playa, Sastago, Zaragoza

Salina, salinar u salera ye o puesto a on se treballa con l'augua salada ta aconseguir-ne a sal. Totas as salinas d'Aragón son de fuents d'interior, pero ne b'ha tamién en a costa aproveitando l'augua d'a mar.

Nomenclatura

A producción de sal en salinas tien una terminolochía especifica. Como muestra, en a Salinera de Naval (comarca d'o Semontano de Balbastro, Huesca), activa de primavera a agüerro, s'emplegan os siguients vocablos:

• era: superficie horizontal zarrada con muretz que s'emplena d'augua salada, a on precipita a sal por evaporación;
• flor: piedras de sal que se fan por concentración y que flotan en as eras;
• retradero: instrumento con mango largo y forma de rasclo y que se fa servir ta remover as eras con a fin que a sal no s'apegue en o fondo;
• bater: remover con o retradero
• sangrar: retirar l'augua dulza que se concentra en as capas superiors d'a era; se fa ubrindo foratos a meya altura n'o muret, ya que l'augua con mes concentración de sal tien mes densidat, pesa mes y s'enfonsa t'as capas inferiors;
• ixada, pico de gancho: estrumentos que se fan servir ta deseparar a sal apegada en o fondo;
• barrer: recullir a sal;

O producto final, a sal, se vende a profesionals tant diversos como forners (que n'anyaden), caminers (ta desconchelar a nieu d'hibierno) u ganaders (ta anyader sal a o minchar d'os animals).

Uso en toponimia

En Aragón bi ha a lo menos quatre lugars con iste nombre:

• Salinas de Bielsa, en o municipio de Bielsa.
• Salinas de Chaca, en o municipio d'as Penyas de Riglos.
• Salinas de Sin, en o municipio de Tella-Sin.
• Salinas de Trillo, en o municipio d'a Fueva.