Escoceses d'as Lowlands

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escoceses d'as Lowlands
Lowlanders

Una voda escocesa

Rechions con comunidaz importants

Escocia

Idiomas

anglico escocés, anglés

Relichión

Presbiterianismo

Pueblos relacionaus

Angleses, orcadians, shetlanders, flamencos, normandos

Los escoceses de las Lowlands (anglés Lowlanders) son los habitants nativos de las Lowlands d'Escocia, tierras que son lo centro de la economía y la poblacioń escocesa.^[1]. En part descienden d'anglos y de britans anglizaus que prefirioron no estar subchectos de lo Reino d'Anglaterra, y tamién en part d'inmigrants angleses, flamencos y normandos de la baixa Edat Meya. La suya luenga tradicional ye l'anglico escocés en camín de ser substituyida por l'anglés.

Relichión

En lo sieglo XVI muitos escoceses de las Lowlands se fan calvinistas como resultau d'una reacción antifrancesa enta l'anyo 1550.^[1] Destacó la figura de lo predicador John Knox, dica lo punto que lo parlamento escocés aprobó una confesión de fe inspirata por ell. Esta confesión de fe ye l'orichen de la Ilesia Presbiteriana Escocesa, dita Kirk en anglico escocés.

Isabel I refirmó a los aristocratas episcopalians, que yeran pro-anglicanos contra los presbiterians. Carlos I prebó d'imposar l'anglicanismo en 1638 y estió motivo d'una revuelta escocesa. En 1660 los episcopalians eliminoron a los presbiterians en lo contexto de la restauración, pero la Ilesia presbiteriana renaixió en l'anyo 1688.^[1]

Luenga

Ta más detalles, veyer l'articlo idioma anglico escocésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

La luenga tradicional de los escoceses de las Lowlands ye la evolución de l'anglés antigo u anglo-saxón en tierras conquiestas por los anglos a lo norte de lo Muro d'Adrián y que facioron part de lo Reino de Northumbria. Dende ixa zona conoixió una expansión territorial a costa de lo gaelico escocés y de lo norn d'orichen escandinavo ya en a baixa Edat Meya por l'arribada d'inmigrants angleses, normandos y flamencos que viviban en una sociedat feudos y burgos pareixida a la d'Anglaterra. La reforma protestant primero y la unión con Anglaterra suposoron que l'anglés encomenzase a substituyir a l'anglico escocés por estar la luenga de la Biblia presbiteriana y de lo poder.

Historia

En l'anyo 1707 Escocia y Anglaterra s'unioron oficialment y s'instauró lo Reino Uniu. Lo parlamento escocés fue aboliu pero los escoceses conservoron unas leis aparte y la suya ilesia. En l'anyo 1748 la baixa nobleza refirmó a Carlos lo Fermoso pero fuoron esconfitos.

En lo sieglo XVIII los escoceses de las Lowlands conoixioron innovacions tecnolochicas y la suya clase intelectual conoixió lo movimiento de la Ilustración. En lo sieglo XIX la Revolución industrial entró en las Lowlands. Los escoceses producioron cotón, fierro y acero y fabricoron vaixiellos aproveitando man d'obra barata porque la clase treballadora yera en una situación de pobreza. Los escoceses contribuyoron a la expansión de l'Imperio Britanico.

En lo sieglo XIX creyoron un movimiento obrero poderoso. A meyaus de lo sieglo XIX unas malas collitas facioron que encomenzase un proceso d'emigración y despoblación. Poco dimpués de la Primera Guerra Mundial la industria escocesa crebó y no se recuperó dica dimpués de la Segunda Guerra Mundial. Dende la decada de 1970 la crisi economica, lo desemplego y desaviniencias con lo gubierno britanico facioron que creixese lo nacionalismo escocés. Lo nacionalismo escocés plegó a lo 30 % de los votos en las eleccions de 1974, manimenos decayó en la decada de 1980, mantenendo-se enradigau en la zona mugant con Anglaterra.

Veyer tamién

Referencias

↑ ^1,0 ^1,1 ^1,2 (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.

Bibliografía

(es) Fernández-Armesto, Felipe. Los hijos de Zeus. Pueblos, etnias y culturas de Europa. Editorial Grijalbo, 1996.

Datos: Q13048964

[ReferenceA-1] 1,0 ^1,1 ^1,2 (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.

[1]