Erupción solar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una erupción solar ye un relumbror de topetón de mayor brilo en o Sol, cheneralment observau amán d'a suya superficie y muit amán d'un grupo de tacas solars.^[1] Os brotes potents gosan ir acompanyaus d'una echección de masa coronal, encara que no siempre. Mesmo as erupcions mas poderosas son tasament detectables en a irradiancia solar total (a "constant solar").

As erupcions solars ocurren en un espectro de magnituz de lei de potencia; una liberación d'enerchía de tipicament 10²⁰ chulios d'enerchía ye suficient pa producir un evento clarament observable, mientres que un evento mayor puede emitir dica 10²⁵ chulios.

As erupcions solars son estreitament asociadas con a expulsión de plasmas y particlas a traviés d'a corona solar ent'o espacio exterior; tamién s'emiten copiosament ondas de radio. Si a echección ye en l'adreza d'a Tierra, as particlas asociadas con ista perturbación pueden penetrar en l'atmosfera superior (a ionosfera) y causar auroras brillants, y mesmo pueden interrumpir a comunicación por radio. Por lo cheneral, a echección de plasma solar tarda diyas en plegar a la Tierra. As erupcions solars tamién ocurren en atras estrelas, an s'aplica o termin erupción estelar. As particlas d'alta enerchía, que pueden estar relativistas, pueden plegar cuasi simultaniament con as radiacions electromagneticas.

Clasificación

As erupcions solars se clasifican como A, B, C, M u X dependendo d'o pico de fluxo de rayos X (en watts por metro cuadrato, W/m²) de 100 a 800 picometros amán d'a Tierra. Cada clase tien un pico de fluxo diez vegadas mayor que l'anterior, tenendo as erupcions de clase X un pico de l'orden de 10-4 W/m². Dentro d'una clase i hai una escala linial d'1 a 9, asinas que una erupción X2 tiene dos vegadas a potencia d'una X1, y ye cuatro vegadas mas potent que una M5.^[2]

Referencias

↑ (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.242
↑ (en) Schrijver, Carolus J.; Siscoe, George L., eds. (2010), Heliophysics: Space Storms and Radiation: Causes and Effects, Cambridge University Press, p. 375, ISBN 978-1107049048

Datos: Q119830
Multimedia: Solar flares / Q119830

[1] (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.242

[2] (en) Schrijver, Carolus J.; Siscoe, George L., eds. (2010), Heliophysics: Space Storms and Radiation: Causes and Effects, Cambridge University Press, p. 375, ISBN 978-1107049048

[1]

[2]