Erupción solar

De Biquipedia
Ir a la navegación Ir a la búsqueda
Una erupción solar d'o 31 d'agosto de 2012.

Una erupción solar ye un relumbror de topetón de mayor brilo en o Sol, cheneralment observau amán d'a suya superficie y muit amán d'un grupo de tacas solars.[1] Os brotes potents gosan ir acompanyaus d'una echección de masa coronal, encara que no siempre. Mesmo as erupcions mas poderosas son tasament detectables en a irradiancia solar total (a "constant solar").

As erupcions solars ocurren en un espectro de magnitutz de lei de potencia; una liberación d'enerchía de tipicament 1020 chulios d'enerchía ye suficient pa producir un evento clarament observable, mientres que un evento mayor puede emitir dica 1025 chulios.

As erupcions solars son estreitament asociadas con a expulsión de plasmas y particlas a traviés d'a corona solar ent'o espacio exterior; tamién s'emiten copiosament ondas de radio. Si a echección ye en l'adreza d'a Tierra, as particlas asociadas con ista perturbación pueden penetrar en l'atmosfera superior (a ionosfera) y causar auroras brillants, y mesmo pueden interrumpir a comunicación por radio. Por lo cheneral, a echección de plasma solar tarda diyas en plegar a la Tierra. As erupcions solars tamién ocurren en atras estrelas, an s'aplica o termin erupción estelar. As particlas d'alta enerchía, que pueden estar relativistas, pueden plegar quasi simultaniament con as radiacions electromagneticas.

Clasificación[editar | modificar o codigo]

As erupcions solars se clasifican como A, B, C, M u X dependendo d'o pico de fluxo de rayos X (en watts por metro quadrato, W/m²) de 100 a 800 picometros amán d'a Tierra. Cada clase tien un pico de fluxo diez vegadas mayor que l'anterior, tenendo as erupcions de clase X un pico de l'orden de 10-4 W/m². Dentro d'una clase i hai una escala linial d'1 a 9, asinas que una erupción X2 tiene dos vegadas a potencia d'una X1, y ye quatro vegadas mas potent que una M5.[2]

Referencias[editar | modificar o codigo]

  1. (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.242
  2. (en) Schrijver, Carolus J.; Siscoe, George L., eds. (2010), Heliophysics: Space Storms and Radiation: Causes and Effects, Cambridge University Press, p. 375, ISBN 978-1107049048