Invasión sovietica d'Afganistán

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Invasión sovietica d'Afganistán
[[]]

Soldato sovietico en Afganistán
Información cheneral
Calendata: Aviento de 1979 – febrero de 1989
Puesto: Afganistán
Resultau: Retirata sovietica. Continó a Guerra Civil d'Afganistán.
En conflicto
Unión Sovietica,
Republica Democratica d'Afganistán
Rebeldes muchahidín afganos y foranos refirmatos por
Pakistán,
Estaus Unius,
Arabia Saudita,
Irán,
China

A invasión sovietica d'Afganistán estió una guerra que duró nueu anyadas entre a Unión Sovietica refirmata por o gubierno d'a Republica Democratica d'Afganistán d'ideolochía marxista contra os rebels muchahidin que luitaban ta rematar o periodo de dominación comunista. A Unión Sovietica yera refirmata por o gubierno mientres que os rebels tenoron o refirme de bels países incluyindo os Estaus Unius, Pakistán y atras nacions musulmanas en o contexto d'a Guerra Frida. Mientres duró lo conflicto se desembolicoron paralelament a Revolución iraní de 1979 y a guerra entre Irán y Iraq.

Situación[editar | modificar o codigo]

Mientres o sieglo XIX, o territorio d'Afganistán s'heba visto menazato por os britanicos y os rusos, qui miraban d'apoderar-sen d'a rechión. En l'anyo 1919, a la fin, Afganistán fue reconoixito como una republica independient por Anglaterra y mientres bellas decadas caoticas desapareixió d'o escenario politico. En a decada de 1970 tornó a estar noticia debito a la gran inestabilidat politica y a la dentrata de l'Exercito Royo en o territorio.

Os Estaus Unius y os suyos aliaus reaccionoron a l'inte, ninviando aduya militar y economica a las milicias afganas que s'enfrentaban a ll'Exercito Royo. Se escudaban en o feito de que Afganistán no apareixeba en a zona d'influencia d'o Pacto de Varsovia y que los sovieticos heban invadito un estato forano.

Dimpués d'una infructuosa luita entre os grupos pro-sovieticos (refirmatos por a Unión Sovietica) y os musulmans que esfendeban a sobiranía afgana (refirmatos por os Estaus Unius), as tropas rusas se'n retiroron en febrero de 1989.