Ir al contenido

Dólar neozelandés

De Biquipedia
(Reendrezau dende Dolar neozelandés)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Dólar neozelandés
New Zealand dollar
Tāra o Aotearoa
Información cheneral
Codigo: NZD
Ambito: Nueva Zelanda
Islas Cook
Niue
Islas Pitcairn
Dependencia de Ross
Tokelau
Simbolo: NZ$
Emisor: Banco d'a Reserva de Nueva Zelanda
Valors
Fraccions: 100 centavos
Monedas: 10¢, 20¢, 50¢, 1$, 2$
Billez: 5$, 10$, 20$, 50$, 100$

O dólar neozelandés (en anglés New Zealand dollar u simplament dollar, en maorí Tāra o Aotearoa) ye a moneda oficial de Nueva Zelanda y os suyos territorios dependients (as islas Cook, Niue y Tokelau), asinas como d'a colonia britanica d'as islas Pitcairn. Por un regular s'abrevia como $ u NZ$ ta diferenciar-lo d'o dólar estausunidense y d'atros tipos de dólars. O codigo ISO 4217 ye NZD. Se subdivide en 100 cents.

Embotada[editar | modificar o codigo]

Informalment, en anglés se conoixe com o kiwi (u o kiwi dollar).

Historia[editar | modificar o codigo]

O dólar neozelandés prencipió a emplegar-se o 10 de chulio de 1967 en substitución d'a libra neozelandesa, como resultau d'o proceso de decimalización d'a moneda, estando a equivalencia de dos dólars por libra, u lo que ye o mesmo, diez xilings por dólar.

Emisor, monedas y billez[editar | modificar o codigo]

O instituto emisor ye o Banco de Reserva de Nueva Zelanda (en anglés Reserve Bank of New Zealand). En circulan monedas de 10, 20 y 50 cents y 1 y 2 dólars (as piezas de menos valor, as d'1 y 2 cents, fuoron retiradas d'a circulación en 1990, y a de 5 cents lo fue tamién en 2006). Os billez que circulan actualment son os de 5, 10, 20, 50 y 100 dólars (os d'1 y 2 dólars se retiroron en 1991 cuan se metioron en circulación as monedas correspondients). Si bien as primeras emisions yeran de papel, como ye habitual en a majoria de billez d'o mundo, dende 1999, igual que os del billez australianos, as nuevas series son feitas de polimero, un plastico especifico que en dificulta a falsificación.

Islas Cook[editar | modificar o codigo]

As islas Cook heban teniu as suyas propias emisions de billez entre 1987 y 1995, si bien continan tenendo as suyas propias monedas (d'1, 2 y 5 dólars), de valor legal arredol d'os territoris a on s'usa o dólar neozelandés.

Tasa de cambio[editar | modificar o codigo]

  • 1 NZ$ = 0,6538 €
  • 1 NZ$ = 0,7006 US$

Vinclos externos[editar | modificar o codigo]