Districtos d'Austria
O districto (alemán: Bezirk) ye en a organización territorial d'Austria a división de segundo livel por dezaga d'os estaus. As oficinas d'o districto son un punto primario de contacto entre os ciudadans y o estau ta muitos afers que exceden l'ambito municipal: matrimonios, carnets de conducir, pasaportes u permisos d'armas y cazata.
A lei constitucional austriaca distingue dos tipos de autoridaz administrativas en os districtos:
- comisions de districto (Bezirkshauptmannschaften), autoridaz administrativas que existen unicament ta o gubierno d'o districto.
- ciudaz estatutarias (Städte mit eigenem Statut u Statutarstädte), ciudaz que tienen bellas funcions adicionals de districto amás d'as suyas responsabilidaz municipals.
En l'anyo 2017, bi heba un total de 94 districtos, 79 d'éls gobernaus por comisions de districto y 15 por ciudaz estatutarias.
Muitos districtos son cheograficament congruents con un d'os 114 partius chudicials que existen en o país.
As ciudaz estatutarias no gosan decir-se "districtos" difueras de bellas publicacions d'o gubierno y de bels documentos legals. Muitas vegadas as achencias gubernamentals fan servir o termin "districto rural" (Landbezirke) ta fer referencia a os districtos que son gobernaus por comisions de districto, encara que dita expresión no apareixe en garra lei y que muitos d'istos "districtos rurals" no son guaire rurals dende o punto d'anvista urbanistico.
Lista de districtos
[editar | modificar o codigo]- BL: Districto de Bruck an der Leitha, SW: ciudat de Schwechat
- LE: ciudat de Leoben, LN: Districto de Leoben
- LI: Districto de Liezen, GB: subdistricto de Gröbming
- TU: Districto de Tulln, KG: ciudat de Klosterneuburg
Se veiga tamién
[editar | modificar o codigo]| Control d'autoridaz |
|
|---|
Datos: Q871419
Multimedia: Districts of Austria / Q871419