Dimitri Calodiqui

De Biquipedia
Ir a la navegación Ir a la búsqueda
Dimitri Calodiqui
Información personal
Puesto de naixencia Salonica ?
Calendata de muerte 1389
Ocupación Filosofo, Escribán

Dimitri Calodiqui estió un filosofo y escribán natural de Salonica (Grecia) a qui en 1381 Chuan Ferrández d'Heredia concedió un puesto vitalicio d'escribán que enantes ocupaba Georgeos Diquio. Debió morir en l'anyo 1389, car l'1 d'octubre d'ixe anyo se menciona un puesto d'escribán vacant por a suya muerte.

Se sabe por o proemio d'a traducción italiana de "Vidas semblants" que Dimitri Calodiqui tradució este libro dende o griego clasico a lo griego bizantín, primer paso pa que un flaire italianoparlant con conoixencias d'aragonés fese un borrador de traducción en un aragonés de grau baixo con italianismos y catalanismos que dimpués correchiban uns escribans aragoneses.

Bell autor tamién considera que Dimitri Calodiqui tamién tradució os "Discursos d'a Historia d'a Guerra d'o Peloponiso" dende o griego antigo a lo griego bizantín como paso previo a la traducción provisional de Nicolau de Drenopoli a l'aragonés.[1]

Referencias[editar | editar código]

  1. Pila Hualde Pascual. La literatura griega y su tradición. Ediciones AKAL, 2008 [1]

Bibliografía[editar | editar código]