Descusión:Corz (Navarra)

En bel puesto que he consultato no identificaban crots con garra localidat actual. Yo creigo que Crots d'a Bula d'Hadrián IV puet estar Cortz (Navarra). Teneba como duda que ye una localidat navarra y pensaba que en ixa bula saliban lugars d'o Reino d'Aragón que s'adscribiban a la Diocesi de Zaragoza. Manimenos un día un profesor de relichión me dició que en a Edat Meya o Estato no yera tan present como a Ilesia y que a entidat administrativa principal yera a diocesi. En ixa bula Crots sale chunto con Alberit y atras localidatz que son muito a man de l'actual Cortz pero en Aragón. Huei he leito en l'articlo de Tudela que Manuel exampló que en dica o S XIII Tudela yera d'a diocesi de Tarazona, y en o mapa d'as Diocesis d'Aragón sale una extensión antiga d'a Diocesi de Tarazona excedindo o territorio aragonés. Si Tudela perteneixeba a la diocesi de Tarazona dica o sieglo XIII, alavez Cortz podeba perteneixer a la diocesi de Zaragoza, y por a lista de lugars....a l'arciprestato de Borcha.--EBRO 15:42 30 may 2010 (UTC)