Cortz (Navarra)

Iste articlo ye sobre o municipio navarro. Ta atros emplegos de Cortz se veiga Cortz (desambigación).

Cortz Cortes
Municipio de Navarra
Plaza Mayor
Entidat  • Estau  • Comunidat  • Comarca	Municipio  Espanya  Navarra Ribera Navarra
Superficie	36,6 km²
Población  • Total	3184 hab. (2013)
Altaria  • Meyana	254 m.
Distancia  • 118 km	enta Pamplona
Codigo postal	31530
Coordenadas
Cortz Cortz en Navarra
Web oficial

Cortz (Cortes en Castellano) ye un municipio de Navarra situato a 118 km de Pamplona. A suya población ye de 3362 habitants (2006), en una superficie de 36,6 km² y una densidat de población de 91,86 hab/km².

Mugas

O suyo termin municipal muga con Bunyuel a lo norte, con Noviellas (Aragón) a l'este, a l'ueste con Ribaforada y Ablitas, y a lo sud con Mallén (Aragón).

Historia

Lo Cerro de la Cruz ye un poblato de los Campos d'Urnas que s'ha feito famoso entre totz los historiadors de la Edat Antiga, car ye d'una epoca de transición dende la Edat de Bronze ta la Primera Edat de lo Fierro.

A principios de 1119 la reconquerió Alifonso I d'Aragón, que la donó a Rotrou d'Alperche.

Cortz perteneixió a la diocesi de Zaragoza.

Toponimia

Ye tentador identificar a localidat de Crots de la Bula d'Hadrián IV (22 de chunio de 1158) con "Cortz" por lo pareixito fonetico y porque nombran localidatz aragonesas muito a man.

ecclesias de Noveles, de Razacol, de Crots, de Meslie, de Frescaron, de Magalon, de Alberit, de Borota, de Aianzione, de Crocle, que in vivo Burge continentur, cum omnibus pertinentiis suis; ecclesias de Purillosa, de Calcena, de Terga, de Aranda, de Siarga, et de Arandega, cum omnibus pertinentiis suis

En los textos medievals ye Cortes car no se gosaba escribir los plurals en aragonés. Por eixemplo en "Rationes decimarum Hispaniae (1279-80): Aragón y Navarra" figura como Cortes. Bi ha presencias esporadicas de la forma con plural aragonés Corts u Corz en bells textos, pero pueden referir-se a atros Cortz.

En un texto de 1145 de l'Archivo de lo Pilar mencionan a un Guillem de Corz chunto con navarros y occitans:

Testes, Sancius de Sangosa et autorgat isto mergato, Folger, Alnal de Tarva. Fromondi, Guillem de Corz, Gabinus, Guillem Ros, Sat, Sanz, Garner Salvage

La forma con plural aragonés tamién amaneix en un texto d'impuestos de 1453 d'o reino d'Aragón: se menciona a un morisco dito Alí Corts quan charran d'os impuestos relativos a compras y vendas en Auguaviva:

El dito día mijó en el Regno Alí Corts XII pares de çapatos de onbre e mulier

Veyer tamién

• Lista de municipios de Navarra