Día Internacional d'os Treballadors
O Día Internacional d'os Treballadors, o Primero de Mayo, ye la festa reivindicativa del moviment obrer mundial.
Ista chornada de luita por os dreitos d'os treballadors fue establita en o congreso obrero socialista celebrato en París en 1889. Se decidió que en homenache a os Mártirs de Chicago, condenaus a muerte por a Revuelta de Haymarket, l'1 de mayo sería o día de protesta y reclamacions obreras. Por ixas envueltas, a gran reivindicación que s'establió estió a chornada de 8 horas. A vada yera o instrumento que se decidió d'emplegar cada 1 de mayo ta forzar a la patronal y os Estatos liberals a acceptar a chornada de 8 horas.
A campanya tenió prou exito y, poquet a poquet, prenió importancia y se consolidó como chornada de luita de tot o movimiento obrero mundial, dillá d'as tendencias y faccions ideyolochicas. Con a conquiesta de milloras laborals y socials, o día fue perdendo carga reivindicativa ta prener un caracter mas festivo y de remeranza d'os feitos de Chicago de 1886. Actualment, en quasi totz os países occidentals (Estaus Unius y o Reino Uniu en son excepcions notables) ye un día festivo y ya quasi sin carga reivindicativa; asinas s'ha perdito en gran mida o caracter commemorativo ta convertir-se en una simpla fiesta mas d'o calandario.
En Estados Unidos, Puerto Rico y Canadá, celebran el Labor Day, o primer lunes de setiembre.
O Primero de Mayo actual en Aragón[editar | modificar o codigo]
Actualment en Aragón, o Primero de Mayo se celebra con manifestacions por as carreras d'as prencipals ciudatz d'o país, organizatas por os prencipals sendicatos y organizacions obreras.