Cruz de suelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una cruz de suelo u, localment, cruz de «sól»,^[1] ye un monumento d'indicación territorial que s'emplegaba tradicionalment ta sinyalar bel punto d'interés, en o costau d'un camino en l'acceso a bel lugar u villa u mesmo a bella partida de mont que perteneixese a o lugar u villa, y que indicaba la pertenencia d'ixe puesto (ixe «suelo») a lo termín d'os vecinos que el feban devantar. Se soleban fer como obra a vecinal, pus nunca u cuasi nunca indicaban una propiedat privada sino comunal d'os vecinos d'o lugar u d'a villa.

Por o motivo d'a suya construcción, se puede considerar formas redueitas d'os peirons tan frecuents en toda a cheografía aragonesa, anque fendo diferencia con istes, as cruces de suelo se construiban con materials locals y sin guaire ostentacions, estando que ye raro que se i haigan incorporaus garra obchectos relichiosos mas que no bella cruz que mesmo gosa estar de piedra picada u fierro colau en o país, sin ni vírchens ni cristos ni garra altras figuras como se'n gosa poder trobar en bels peirons. Como peirons, consisten d'una pedana de piedra en a que se i ha gosau alzar un pilón picau que en conchunto no pasan t'alto d'os 3 u 3,5 metros d'altaria, y que incorpora (d'isto ye d'a on les viene o nombre) una cruz en pirol en l'altura.

Imáchens

A cruz de «sól» d'Arro, en Sobrarbe.

Referencias

↑ En bel nuclio de Sobrarbe se conoix con iste nombre que incluye a palabra «sól», que podría tractar-se d'una variant arcaica no diptongadera d'a palabra patrimonial «suel» (que dimana d'o latín «solum»), palabra que encara se siente en uso en a comarca (Blas & Romanos; Diccionario Chistabín; 2008) u bien d'un catalanismo lexico introduciu en epoca desconoixida («sól» ye a palabra catalana ta decir «suelo»). Se puede trobar personas que den referencia d'ista forma en Puyarruego (en dó existe un puesto en a ribera d'a Yesa que encara fa lucir o toponimo «cruz de sól»), en Puértolas y en Arro.

Se veiga tamién

Peirón

Datos: Q2309609
Multimedia: Wayside crosses / Q2309609

[Popular-1] En bel nuclio de Sobrarbe se conoix con iste nombre que incluye a palabra «sól», que podría tractar-se d'una variant arcaica no diptongadera d'a palabra patrimonial «suel» (que dimana d'o latín «solum»), palabra que encara se siente en uso en a comarca (Blas & Romanos; Diccionario Chistabín; 2008) u bien d'un catalanismo lexico introduciu en epoca desconoixida («sól» ye a palabra catalana ta decir «suelo»). Se puede trobar personas que den referencia d'ista forma en Puyarruego (en dó existe un puesto en a ribera d'a Yesa que encara fa lucir o toponimo «cruz de sól»), en Puértolas y en Arro.

[1]