Cristòfol Juandó

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cristòfol Juandó
Información personal
Calendata de naixencia	28 de chinero de 1848
Puesto de naixencia	Vilanova i la Geltrú, Catalunya
Calendata de muerte	febrero de 1917
Puesto de muerte	Barcelona, Catalunya
Ocupación	Inventor y empresario.
Conchuche	Bonaventura Rovirosa

Cristòfol u Cristòfor Juandó i Rafecas, naixito de Vilanova i la Geltrú o 28 de chinero de 1848 y muerto en Barcelona en 1917 estió un personache polifacetico, financiero, empresario, poeta, inventor y pionero de l'aviación en Espanya con as suyas teorias y os suyos inventos.

Entre as suyas obras cal destacar que promovió y financió la linia de tren de Vilanova i la Geltrú enta Barcelona y a establita d'o Banc de Vilanova. Bels fuentes documentals li atribuyen a patente y popularización d'as figuretas de plomo, fundando a empresa El Genio Mecánico una fabrica de chuguez de plomo y estanyo. Ista fabrica deriva d'a suya afición al modelismo derivando-se dica aparatos voladors que li feban de complemento ta continar y comprobar as suyas teorias en l'ambito de l'aviación o avegación como él deciba. En 1899 feba conferencias en as que deciba que es podeba volar con un aparato mas pesau que l'aire, pero teneba muita chent en a suya contra que no creyeban en as suyas teorias, un anyo dimpués patenta o Multiptero u Flagiralilo un aparato que teoricament podeba volar. Fue ignorau por as autoridaz politicas y militars a las que pidió aduya ta financiar a construcción y as prebas ta fer lo volar, pero nunca podió por manca de financiación.

Tamién publica os libros Navegación aérea (1900) y Navegación aérea o avegación (1914), obras por as que ye reconoixito por o Servicio Historico y Cultural de l'Exercito de l'Aire como o pionero de l'aviación espanyola por as suyas detallatas publicacions sobre a posibilidat de volar con un aparato mas pesau que l'aire, y tamién a suya empresa Navegación Aerea. Aviación, establita en 1900 como probablement a primera dedicada a l'aviación.

Murió en una botiga d'a Rambla d'o Prat de Barcelona ixuplidau y arruinau. En l'ayo 1998 o Concello de Barcelona establió o Premio Cristòfol Juandó que premia a treballos dedicaus a l'estudio u divulgación relacionau con l'aviación.

Bibliografía

• Juandó, Cristòfol; La navegación aérea. Aviación, impresión de Josep Cunill, Barcelona, 1900.
• Juandó, Cristòfol; Navegación aérea. Aviación, mejor dicho, avegación, impresión de López Robert, Barcelona, 1904.

Vinclos externos

Cristòfol Juandó en a encilopedia.cat.

• Datos: Q110099225